Дар Русия шаҳрванди Тоҷикистонро аз 7 нафар кӯдаконаш 20 соат ҷудо намуданд

Санаи 19 декабри соли 2017 аз тарафи кормандони полиси вилояти Тюмени ФР шаҳрванди Тоҷикистон модари серфарзанд ҳомиладор, ки номаш Саноат мебошад (номаш тағйир дода шудааст) аз хонааш рабуда шуд. Дар истиқоматгоҳи шахсӣ 7 нафар кӯдакон, ки синну солашон аз 1 то 12 аст бе назорати калонсолон танҳо мондаанд.

Чи тавре ки сомонаи «URA.ru» хабар медиҳад, кормандони полис ба Саноат ваъда додаанд, ки пас аз тафтиши санадҳояш ӯро ҷавоб хоҳанд дод.

“Ду нафар кормандони полис маро бо нақлиёти хизмати ба бокс бурданд, ки воқеъ дар кӯчаи М. Горкий ҷойгир аст. Телефони дастиямро ба кӯдакон партофта рафтам, мабодо маро ҷавоб надиҳанд ба шиносон занг бизананд”.

Модар на пагоҳӣ ва на рӯзона баргашта наомад, бинобар ин духтари калонӣ ба назди шиносҳояшон бирафт. Онҳо кӯдаконро таом дода, таскин доданд. Модари кӯдаконро соати 8 бегоҳии рӯзи дигар озод намуданд.

Чи тавре ки Саноат нақл намуд, ӯро дар бокс як шабонарӯз нигоҳ дошта барои хӯрдани кулчаҳои қандӣ ва доширак додаанд. Ҳафт нафар кӯдакон бошад дар он замон дар хона танҳо монданд.

Саноат аниқ намуд, ки аз ӯ талаб намуданд ҷои боздоштеро, ки дар онҷо ӯ қарор дошт ба ҳеҷ кас хабар надиҳад: гӯё дар хадамоти полис қарор доштани ӯ қайд нашудааст.

Тӯли 12 сол мешавад, ки Саноат дар Тюмен зиндагӣ ба сар мебарад. Дар шакли қонунӣ дар Тюмен аз қайд гузаштан имконият надорад.

«Ба ман миёнаравон таклиф намуданд, ки санадҳоямро барои супоридан ба шаҳрвандии ФР кӯмак кунанд, вале ҳаққи хизмат ба миқдори 70 ҳазор рубли русӣ талаб намуданд. Ман ин қадар пул надорам», мегӯяд модари кӯдакон.

Чи тавре ки ваколатдор оиди ҳуқуқи кӯдакон дар вилояти Тюмен Андрей Степанов хабар дод, эҳтимол аст, ки бо қарори додгоҳ занро бо кӯдаконаш аз кишвар депортатсия кунанд. Дар ШВКД вилояти Тюмен оиди ҳодисаи рӯйдода маълумоте дода натавонистанд ва хоҳиш намуданд, ки барои тафтиши фактҳои оварда шуда дархости расмӣ ирсол намоянд. Ҷавоби дархост то ҳол наомадаст.

 

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.