Дар Тоҷикистон «ҷарроҳи дил» ба мӯҳлати 5 солу 5 моҳ равонаи зиндон шуд

Суғд Абдумалик СаломовДар додгоҳи шаҳри Хуҷанд дида баромадани парвандаи ҷиноӣ нисбати ҷарроҳи машҳури вилояти Суғд Абдумалик Саломов ба охир расид. Ӯро дар вобаста будан бо ҳаракати исломии Салафия, ки дар асл яке аз мазҳабҳои исломӣ ба шумор меравад, яъне мактаб ва равияи фикрӣ мебошад, айбдор донистанд.

Додгоҳ Саломовро дар содир намудани ҷиноят  тибқи моддаи 307 қисми 3 КҶ ҶТ (Иштирок дар фаъолияти ҳизбҳои сиёсӣ, иттиҳодияҳои ҷамъиятӣ, динӣ ё дигар ташкилоте, ки нисбати он аз ҷониби суд қарори эътибори қонунӣ пайдокарда дар бораи барҳам додан ё манъи фаъолияташ бинобар сабаби ба амал баровардани фаъолияти экстремистӣ қабул шудааст, инчунин мусоидат кардан ба фаъолияти онҳо бо истифода аз воситаҳои ахбори омма, шабакаи интернет ва ё ба тарзи дигар), айбдор дониста шудааст.

Додгоҳ Абдумалик Саломовро ба мӯҳлати 5 солу 5 моҳ аз озодӣ маҳрум намуд. Инчунин, ду бародараш Илҳом Ғаффоров ва Сайдулло Мирзоев, ки дар парвандаи ҷиноӣ бо ӯ мегузаштанд тибқи моддаи КҶҶТ дар боло зикршуда ба мӯҳлати 5 сол аз озодӣ маҳрум гардиданд. Мӯҳлати ҷазоро маҳкумшудагон дар колонияи низомаш сахт адо менамоянд.

Шиносҳои Абдумалик Саломов ба «Хабарҳо» бо шарти ниҳонӣ гуфтанд, ки ҷарроҳи маҳкумшуда барои давом додани фаъолияти маслакияш ба Тоҷикистон фаъолияти худро дар яке аз клиникаҳои номдори Маскав ба як сӯ гузошта соли 2015 баргаштааст. Саломов ба Маркази ҷарроҳии дилӣ вилояти Суғд ба кор даромадаст ва ба якчанд сокинони кишвар амалиётҳои ҷарроҳии беҳамто гузаронидааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.