Дар Тоҷикистон имом-хатиби навбатӣ маҳкум гардид
Дар шимоли Тоҷикистон имом хатиби масҷиди панҷвақта бо айби аъзоги дар ҳаракати исломии «Салафия» маҳкум гардид. Дар охири моҳи сентябри соли ҷорӣ аз тарафи кормандони ҳифзи ҳуқуқ имом хатиби масҷиди панҷвақтаи деҳаи Чоруқ-Даррони шаҳри Гулистон Илҳомиддин Абдуллоев барои гӯё даъвати оммавӣ мусулмонони масҷид ба ҳамроҳшави ба ҳаракати исломии «Салафия» дастгир карда шуд.
Додгоҳ парвандаи зеринро дида баромад ва айбдоршавандаро дар содир намудани ҷиноят айбдор дониста тибқи моддаи 307 прим 3 қисми 2 (Ташкил кардани фаъолияти ташкилоти экстремистӣ ва ё иштирок дар фаъолияти ҳизбҳои сиёсӣ, иттиҳодияҳои ҷамъиятӣ, динӣ ё дигар ташкилоте, ки нисбати он аз ҷониби суд қарори эътибори қонуни пайдокарда дар бораи барҳам додан ё манъи фаъолияташ бинобар сабаби ба амал баровардани фаъолияти экстремистӣ қабул шудааст) КҶ ҶТ ба мӯҳлати 5 солу 6 моҳ аз озоди маҳрум намуд.
Ёдрас мекунем, ки танҳо соли 2016 дар шимоли Тоҷикистон ба мӯҳлатҳои гуногун 20 имом-хатиб аз озоди маҳрум гардид, ки гӯё ба ҳаракатҳои гуногуни исломӣ ва ё мазҳаб, аз он ҷумла ба гурӯҳи Салафия иртибот доштанд.
