Дар Хатлон сокинони маҳаллиро маҷбур мекунанд, ки барои вохӯрии бошукӯҳи Раҳмон маблағ ҷамъ намоянд

Дар Хатлон сокинони маҳаллиро маҷбур мекунанд ки барои вохӯрии бошукӯҳи Раҳмон маблағ ҷамъ намоянд

Чи тавре ки Радиои Озодӣ менависад, сокинони ноҳияи Вахши вилояти Хатлон хабар доданд, ки дар арафаи сафари раисҷумҳур Раҳмон кормандони шӯрои маҳаллӣ хона ба хона гашта, аз ҳар оила 20 сомонӣ  талаб доранд. 22-уми сентябр раисҷумҳур Эмомалӣ Раҳмон бо сафари корӣ ба вилояти Хатлон омад.  Рӯзи сешанбе ӯ аз Шаҳритус, Леваканд ва Бохтар дидан кард ва интизор меравад, ки ба ноҳияи Вахш низ равад.

Ҷумагул Ашурова, сокини деҳаи Иттифоқи ноҳияи Вахш ба хабарнигорон гуфт, ки кормандони шӯрои маҳаллӣ чанд рӯз аст, ки хона ба хона гашта, аз ҳар оила 20 сомонӣ талаб мекунанд. «Ман камбизоат ҳастам ва соҳиби 8 фарзандам, ду нафари онҳо маъюбанд.  Ман худам ба пул ниёз дорам. Аз тарафи дигар, мо дар деҳаамон мактаб ва нуқтаи тибби надорем. Кӯдакон ба мактабе мераванд, ки ҳашт километр дуртар аз деҳа ҷойгир аст. Дар моҳи апрел хонаҳои мо аз зилзила осеб диданд. Аз тарафи ҳукумат ҳеҷ як кӯмаке расонида нашудааст ва ҳоло онҳо аз мо боз пул талаб мекунанд», — хашмгин мешавад зан.

 

Сокини дигари ноҳияи Вахш бо шарти ифшо нашудани номаш гуфт, ки кормандони шӯрои маҳаллӣ аз сарватмандони деҳа маблағи хеле калонтар талаб мекунанд. Ҳамзамон, раиси шӯрои деҳаи ноҳияи Вахш Қосим Давлатов ҷамъоварии ҳатмии маблағҳоро барои ташкили мулоқоти раисҷумҳур Раҳмон эътироф кард. «Бале, мо барои гулдастаҳо ва обод кардани фаввораи майдони марказӣ аз соҳибони нуқтаҳои фурӯши сӯзишворӣ ва роҳбарони хоҷагиҳои деҳқонӣ маблағ ҷамъоварӣ кардем», — иброз намуд Давлатов.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.