Дар Тоҷикистон фонд ба номи Раҳмон таъсис дода шуд
Намояндагони палатаи поёни парлумони Тоҷикистон Маҷлиси намояндагон ба нақшаи Қонуни Ҷумҳурии Тоҷикистон «дар бораи молияи давлатии ҷумҳурии Тоҷикистон» тағйироту иловаҳо дароварданд.
Тибқи нақшаи мазкур дар Тоҷикистон фонд ба номи Раҳмон таъсис дода мешавад. Ҳар сол ба фонди мазкур аз даромади буҷаи давлати Тоҷикистон ба миқдори 0,2% маблағ ҷудо карда мешавад. Ҷудошавии маблағ ба фонди мазкур пас аз ба итмом расидани салоҳиятҳои президентии раисҷумҳури ҳозира, яъне то охири умраш шурӯъ мегардад, иттилоъ медиҳад ОИМТ «Ховар».
Ҳуқуқи тасарруфоти маблағҳои ҷудошуда ба худи Раҳмон дода мешавад. Имсол ҳаҷми умумии буҷаи давлати Тоҷикистон 2,5 млрд долларро ташкил намуд, ҳаҷми ҳаққи Раҳмон бошад 5 млн долларро ташкил хоҳад кард.
Ғайр аз ин, тибқи қонунгузории ҷорӣ шуда, пас аз ба итмом расидани салоҳиятҳои президентӣ Раҳмон ҳуқуқи ба мардум муроҷиат намуданро монанди соҳиби салтанати мутлақ ӯҳдадор мешавад. Инчунин ҳуқуқи дар маъракаҳои муҳими давлат иштирок кардан ва дар онҷо баромад карданро соҳиб мегардад. Дар маъракаҳои сатҳи давлатӣ, дар маҷлиси ҳукумат ва парлумон барои Раҳмон ҷои махсус бо воситаҳои алоқаи замонавӣ ҷиҳозонидашуда таъсис дода мешавад. Барои корҳои иҷрокардааш дар замони ҳукмронии худ ба Раҳмон масуният кафолат дода мешавад. Инчунин ӯро дастгир намудан, ба ҳабс гирифта кофтуков гузарондан манъ карда мешавад. Илова бар ин, ба моликияти ӯ ва дигар молу мулке, ки ба Раҳмон ва наздиконаш тааллуқ дорад масуният кафолат дода мешавад.
Ёдрас мекунем, ки дар аввалҳои соли ҷорӣ мукофот ба номи Раҳмон таъсис дода шуда буд. Мушоҳидон қайд мекунанд, ки дар шароити ба аҳволи бад фуромадани вазъияти иқтисодиву иҷтимоии мардум, инчунин бинобар афзоиши норозигиҳо ва шуурнокшавии диниву сиёсии мардуми кишвар, аз тарафи режим мадҳкунии шахсияти Раҳмон таблиғот карда мешавад.
