Донишҷӯёни мадраса, ки аз хориҷа баргаштанд, то ҳол дар мактабҳои махсус қарор доранд
Наврасоне, ки дар мактабҳои динии Бангладеш таҳсил карданд ва дар соли гузашта ба ватанашон баргардонида шудаанд, то ҳол дар мактабҳои махсус боқӣ мемонанд.
Вазорати маориф ва илм гуфт, ки кӯдакон ба мутобиқшавӣ ниёз доранд, зеро онҳо дар мактабҳои миёна таҳсил накардаанд. Ҳамзамон, дар вазорат изҳор намуданд, ки давраи мутобиқшавӣ аз ҳар як кӯдак вобаста аст ва метавонад аз се моҳ то як сол тӯл бикашад. “Мутахассисон бояд муайян кунанд, ки онҳо бояд дар кадом синф таҳсил кунанд, сатҳи дониши онҳо чи қадар аст, онҳо бояд кадом фанҳоро биомӯзанд. Танҳо пас аз ин онҳо метавонанд ба назди оилаҳои худ баргарданд», — таъкид карда буд котиби матбуотии шӯъба Эҳсони Хушвахт.
Дар ин бора хешовандони яке аз кӯдакон ба Радиои Озодӣ шикоят карданд. Ба хешовандон зиёрати кӯдакон манъ карда шуд ва мақомот инчунин интиқоли кӯдаконро ба мактаби муқаррарӣ рад карданд. «Баъзан чунин ба назар мерасад, ки писарам ба гаравгон гирифта шудааст», — мегӯяд падари наврас Маҳмадзариф Саидов, узви ҲНИТ дар хориҷи кишвар қарор дошта.
Мушоҳидон қайд мекунанд, ки чанде қабл режими Раҳмон ба татбиқи чунин таҷрибаро нисбати кӯдакони аз хориҷа баргашта шурӯъ карда, инро бо далели он тасдиқ кард, ки «Нафарони аз таҳсилотгоҳҳои динии хориҷа баргашта, зеҳнияташон вайрон шудааст ва ба мутобиқшавӣ ниёз доранд». Ҷолиби диққат аст, ки дар ҳоли ҳозир дар Тоҷикистон ягон муассисаи таълими динӣ вуҷуд надорад, ки дар он кӯдакон исломро биомӯзанд.
Ёдрас мекунем, ки 84 кӯдаке, ки моҳи апрели соли 2019 аз Ироқ баргаштанд, низ дар муассисаҳои махсуси кӯдакон қарор доранд, гарчанде ки аввал мақомот ба модарони кӯдакон ваъда дода буданд, ки кӯдаконро ба хешовандонашон бармегардонанд, айнан бо чунин шарт занони тоҷике, ки дар зиндонҳои Ироқ адои ҷазо мекунанд, розӣ шуданд, ки фарзандони худро ба Тоҷикистон бифиристанд.
