Кумита оид ба корҳои занон қарор намудааст аз пайи мардон шавад
Кумитаи оид ба корҳои занон дар назди ҳукумати Тоҷикистон барои кори анҷом додааш дар моҳи август ҳисобот пешкаш намуд. Чи тавре, ки ҷонишини раиси кумита Марҳабо Олимӣ баёнот додааст, зеридастонаш аз 8-уми август то 13-уми август бо 8 ҳазор занони тоҷик бо мақсади даст кашидан аз ҳиҷоб сӯҳбатҳои ташвиқотӣ гузарондаанд.
Инчунин, ӯ қайд намудааст, ки бо мардони тоҷик низ сӯҳбат гузарондан лозим, то ин ки онҳо ба занони худ таъсир гузаронанд ва занон аз ҳиҷоб даст кашанд. «Мо бояд дар миёни мардон корҳои тавзеҳӣ гузаронданамон лозим», — иброз намуд ӯ.
Ёдрас мекунем, ки солҳои охир аз тарафи режими Раҳмон нисбати либоси занонаи Исломӣ ҷанг эълон намудааст. Ҳоло занони ҳиҷобдорро дар сохторҳои давлатӣ таъқиб менамоянд, ба мактабдухтарон бо ҳиҷоб ба дарс иштирок намудан манъ аст. Мақомоти давлатӣ дар ҷойҳо мунтазам «сӯҳбатҳои тавзеҳӣ» мегузаронанд, мардумро бовар кунонданиянд, ки ҳиҷоб либосест ба мардуми тоҷик бегона.
Сокинони кишвар мегӯянд, ки занҳои ҳиҷобдор ба кӯча баромада наметавонанд ва метарсанд, ки мабодо ба тафтишкунӣ рӯбарӯ нагарданд. Дар натиҷа занҳо маҷбуранд, ки аз хона берун набароянд, бо ин ҳаёташон дар тангӣ қарор меёбад.
