Мансабдори дашномгӯӣ омадагони масҷид бо ҷарима халос шуд
Қаҳрамони машҳури видеонавор, ки дар интернет мағалро пайдо кардааст, ба иҷрои вазифааш шурӯъ намуд. Тавре ки интизор буд, мансабдори дашномгӯӣ омадагони яке аз масҷиди ноҳияи Рӯдакӣ бо ҷаримаи андак ба миқдори 500 сомонӣ халос хурд ва дар мансаби худ боқӣ монд. Ин ҳолати аввалин нест, ки мансабдорон ва ё кормандони мақомоти қудратӣ барои фактҳои дашномгӯӣ мардуме, ки ба дини худ риоя мекунанд бо андаке ҷарима ва ё бо гирифтани танбеҳ халос мешаванд. Дар навбати аввал, ҳамаи ин ишораи муносибати режими Раҳмон нисбати мардум мебошад. Яъне, тимсоли мазкур хатои баъзе афроде, ки соҳиби мансабанд набувад.
Ёдрас мекунем, ки ба наздики навори видеоӣ дар интернет пайдо шудааст, ки дар он сармутахассиси шӯъбаи дин, танзими ҷашну маросимҳои шаҳраки Чоряккорони ноҳияи Рӯдакӣ Шокир Холдоров ба тарзи дағалона бо суханҳои қабеҳ мусулмонони масҷидро таҳқир намуда, бастани масҷидро талаб намудааст. Инчунин, ба суханони омадагони масҷид, ки аз болояш шикоят мекунанд, ӯ бо дилпурӣ ба онҳо ҷавоб дод: «Ба куҷое хоҳед равед шикоят бикунед! Ҳамаи шумоёнро эълон хоҳам кард, ки салафӣ шудаед! Зоҳиран маълум буд, ки мансабдор барои кирдораш ҷазо нахоҳад гирифт.
