Ӯзбекистон: дар шаҳри Чирчиқ барои пӯшидани ҳиҷоб парвандаи ҷиноӣ оғоз намуданд

Ӯзбекистон: дар шаҳри Чирчиқ барои пӯшидани ҳиҷоб парвандаи ҷиноӣ оғоз намуданд

Рӯзи 30-уми август дар сегменти ӯзбекии шабакаҳои иҷтимоӣ паёми видеоӣ ба президенти Ӯзбекистон Мирзиёев аз сокини шаҳри Чирчиқи вилояти Тошканд ки модари се фарзанди ноболиғ мебошад, нашр шуд.

Дар навори видеоӣ зан нақл мекунад, ки чи тавр ӯ танҳо барои пӯшидани либоси исломӣ қурбони кормандони ВКД ва Хадамоти Амнияти Миллӣ шудааст.

Гулбаҳор, номи ин зан аз дасти нерӯҳои амниятӣ азият кашидааст, муфассал нақл мекунад, ки чӣ гуна кормандони мақомоти ҳифзи ҳуқуқ бо роҳи фиреб ба хонаи ӯ дар зери ниқоби харидорони амволи ғайриманқул даромадаанд, пас бидуни ҳеҷ далеле, ки ҳуқуқи кофтукови хонаи ӯро дода бошад, мақомоти амниятӣ манзилашро кофтукоб карда, телефонҳои мобилие, ки ба Гулбаҳор ва фарзандони ӯ тааллуқ дошт мусодира намуданд.

Сипас, маъмурони амниятӣ ба Гулбаҳор гуфтанд, ки ӯ ва духтари калонияшро боздошт мекунанд ва бояд ҳамроҳи онҳо бираванд, вақте, ки зан барои иваз кардани либосҳояш дар утоқи дигар дархост кард, яке аз афсарон дар либоси полис посух дод, ки ӯ бояд дар ҳузури онҳо либосашро иваз кунад ва агар бихоҳад, зан ҳатто  либоси тагпӯшашро дар ҳузури онҳо иваз мекунад.

Пас аз расидан ба шӯъбаи полиси маҳаллӣ, Гулбаҳор ва духтари 17-солаашро барои гузаронидани пурсиш дар утоқҳои гуногун ҷойгир карданд. Кормандони Вазорати корҳои дохилӣ аз Гулбаҳор талаб карданд, ки ба телефонҳои мусодира шуда дастрасӣ бидиҳад. Зан ишора кард, ки агар нерӯҳои амниятӣ ба ӯ ягон ҳуҷҷате пешниҳод кунанд, ки ба онҳо ҳуқуқи омӯхтани мундариҷаи телефонро медиҳад, пас ӯ телефонро боз мекунад, вагарна ҳамаи талабҳои онҳо ғайриқонунӣ мебошанд.

Пас аз таҳдидҳои тӯлонӣ ва бенатиҷа, таҳдид ва айбдоркунии Гулбаҳор дар робита бо гӯён «гурӯҳҳои экстремистӣ ва террористӣ» ӯрро ба таҳхонаи утоқи назоратӣ бурда, дар яке аз ҳуҷраҳои ифлос дар шароити ғайриинсонӣ нигоҳ доштанд.

Дар навбати худ, барои сафед кардани амали кормандони худ ВКД изҳороте нашр кард, ки дар он ҳодиса ҳамчун як амалиёти махсус аз ҷониби кормандони раёсати мубориза бо терроризм ва экстремизми динӣ гузаронида шудааст.

Дар ҳоли ҳозир, пас аз интишори паёми видеоӣ, чанд блогерон ва фаъолони мустақили ӯзбек барои кӯмак намудан ба Гулбаҳор шурӯъ карданд. Инчунин, истифодабарандагони шабакаҳои иҷтимоӣ амалҳои нерӯҳои амниятиро нисбати як зани беёвар, ва модари танҳо маҳкум кардани худро изҳор кардаанд, зеро ин зан ҳиҷоб пӯшида, намоз мехонд ва кӯшиш мекард, ки тавассути лексияҳои диншиносони мустақили Ислом дини худро биомӯзад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.