Русия: шаҳрвандони Тоҷикистон ба мӯҳлатҳои дароз маҳкум гардиданд

Чи тавре ки «Интерфакс» иттилоъ медиҳад, додгоҳи ҳарбии ҳавзавии Маскав 6 нафар шаҳрванди Тоҷикистонро бо айби бофташуда гӯё тайёри дидан дар содир намудани таркиш дар ноҳияи Любертсаи Маскав соли 2016 айбдор дониста ба мӯҳлатҳои аз 12 то 18 сол аз озодӣ маҳкум кард.

«Айбдоршавандагон дар содир намудани ҷиноят айбдор дониста  мувофиқи ҷинояташон ба: Латипов — 12 сол, Муминов — 18 сол, Самардини — 18 сол, Ҳасанов — 18 сол, Ҳикматуллои — 13 сол, Юлдошев — 12 сол аз озодӣ маҳрум намудан дар колонияи низомаш сахт ҷазо таъйин шавад», қарорро рузи панҷшанбе ифода намуд судя Игор Семин.

Тибқи қарорнома судшавандагон бо 6 моддаи КҶ айбдор дониста мешаванд, инчунин иштирок намудан дар ташкилоти террористӣ, ғайриқонунӣ пайдо кардан ва нигоҳ доштани маводҳои тарканда айбдор дониста шудаанд. Дар рафти ҷараёни судӣ додситон талаб намуд, ки ба айбдоршавандагон аз 12 то 16 сол ва пардохти ҷарима ба миқдори 400 ҳазор рубли русӣ ба ҳар як айбдоршаванда ҷазо таъйин шавад.

Ёдрас мекунем, ки солҳои охир парвандаҳои ҷиноии бофташуда нисбати муҳоҷирони меҳнатӣ аз ҷониби мақомотҳои қудратии рус ба роҳ монда шудааст. Кремл механизми ҳалли ҳамаи намуди муаммоҳои дохилиро коркард намуд ва ҳама намуди рӯҳияҳои эътирозиро дар ҷомеа бо воситаи гӯён «хавфи терроризм» бартараф намуд. Зеро воситаи мазкур мардуми Русияро бар зидди «душмани умумӣ» муттаҳид месозад.