Тоҷикистон эътирозгарони рӯзи 17-уми майро милиса таъқиб мекунад
Мақомоти ноҳияи Хуросон ба сокинони маҳаллӣ таҳдид кардаанд, ки таъқиботро барои иштирок дар эътирозҳои нав шадидтар мекунанд, менависад Радиои Озодӣ. Яке аз сокинони маҳаллӣ гуфт, ки мақомоти маҳаллӣ тазоҳургарони рӯзи 17-уми майро таъқиб мекунанд.
18-уми май раиси вилояти Хатлон Қурбон Ҳакимзода ва муовини сарвазири ҳукумати Тоҷикистон Давлатшо Гулмаҳмадзода бо қурбониёни офати табиӣ мулоқот карданд. Мулоқот дар саҳни ҳавлии масҷид ҷараён гирифт, натиҷаҳои он расман эълон нашудааст. Дар навбати худ, ОМОН то охири мулоқот ба сокинони маҳаллӣ иҷозат надод, ки ҷои мулоқотро тарк кунанд ва бо хабарнигорон то поёни мулоқот сӯҳбат намоянд.
Яке аз заноне, ки аз сел зарар дидааст, баъд аз мулоқот гуфт, ки мақомоти маҳаллӣ иштирокчиёни тазоҳуроти дирӯзаро зери таъқиб қарор додаанд. «Мардони моро барои изҳори норозигӣ аз набудани кӯмак ба шӯъбаи милиса бурда истодаанд. Ба ҷои он ки ба мо кӯмак кунад, кормандони милиса мардони деҳаро дастгир мекунанд… Ин мулоқот тақаллубӣ аст. Шавҳари ман ҳоло маҷбур аст, ки пинҳон шавад, то ӯро ҳабс накунанд. Хонаи мо то ҳол зери лой аст,” — гиря карда мегӯяд зан. Аммо, яке аз масъулони ҳукумати ноҳияи Хуросон бо шарти ифшо накардани номаш гуфт, ки сокинон ҳушдор дода шуда буданд: пас аз ҳамаи намуди намоиш, ҷавоби дурушт хоҳад шуд. Ташкилкунандагони гирдиҳамоии эътирозӣ ва ширкаткунандагони эҳтимолии ояндаро чигуна ҷазо интизор аст — гузориш дода нашудааст.
Ёдрас мекунем, ки як рӯз қабл даҳҳо сокинони ноҳияи Хуросон, ки ҳафтаи гузашта бар асари селоб осеб дида буданд роҳи Бохтар-Душанберо баста намуданд. Онҳо аз мақомоти маҳаллӣ талаб карданд, ки ба мушкилоти онҳо фавран эътибор диҳанд ва дар таъмири хонаҳои харобшуда кӯмак намоянд.
