«Хуруҷи зеҳнҳо» аз Тоҷикистон — таҳдид барои кишвар

"Хуруҷи зеҳнҳо" аз Тоҷикистон - таҳдид барои кишвар

Шаҳрвандони тоҷик ки торафт бештар шиносномаҳои Русияро мегиранд, асосан маълумоти олӣ доранд ва мутахассисони ин ё он соҳа мебошанд ва ин таҳдиди асосӣ барои кишвар дар робита ба хуруҷи зеҳнҳо аст, гуфта шудааст дар маводи нашркардаи Радиои Озодӣ.

Дар байни аксари одамоне, ки шаҳрвандии Русияро аз аввали соли 2016 то семоҳаи аввали соли 2020 гирифтаанд, тоҷикон дар ҷои сеюм қарор доранд, иттило медиҳад РБК бо истинод ба омори ВКД Русия. Ҳиссаи онҳо дар байни шаҳрвандони нави Русия 10% ё ин ки 146,1 ҳазор нафарро ташкил медиҳад.

Нашрия суханҳои муовини собиқ Хадамоти Федералии Муҳоҷиратии Русия Вячеслав Поставнинро иқтибос меорад, ки тамоюли афзояндаро бо қабули Консепсияи нави сиёсати давлатии муҳоҷирати Федератсияи Русия барои солҳои 2019-2025 ифода кардааст, ки ҷалби 5-10 миллион нафарро ба Русия пешбинӣ мекунад. «Аз соли гузашта тамоюли мазкур ба зиёдшавии шумораи шаҳрвандон бинобар вазъи душвори демографӣ шурӯъ гардида буд», — қайд кард коршинос.  «То ин вақт дар минтақа ҳар сол 200-300 ҳазор нафар ба шаҳрвандӣ қабул мешуд.»

Дар оғози моҳи октябри соли 2019 Русия тартиби гирифтани шаҳрвандиро барои мутахассисони соҳибихтисос дар сатҳи қонунгузорӣ содда гардонид. Ва ин, ба гуфтаи коршиносон, аз кишвар хуруҷ шудани зеҳнҳо ва нарасидани мутахассисони баландихтисос барои кишвар хатари ҷиддӣ дорад. Масалан, соли гузашта, собиқ вазири маорифи Тоҷикистон Нуриддин Саид зимни нишасти матбуотӣ дар бораи нарасидани омӯзгорон ҳарф зада буд. Ба гуфтаи ӯ, аҳолӣ меафзояд ва бисёре аз омӯзгорон ё ба нафақа мебароянд, ё ба рухсати декретӣ ва ё кишварро тарк мекунанд.

Гузашта аз ин, тибқи маълумоти Вазорати тандурустӣ, дар кишвар норасоии шадиди кормандони соҳаи тиб, бахусус табибони оилавӣ ба назар мерасад. Тибқи гуфтаҳои собиқ вазири тандурустии Тоҷикистон Насим Олимзода, шумораи мазкур 79,7%  аз эҳтиёҷоти асосӣ ташкил медиҳад. «Тамоюли мазкурро наметавон муҳоҷирати оддӣ номид. Ин яке аз роҳҳои асосии «хуруҷи зеҳнҳо» мебошад, зеро дар ин барнома афзалият ба мутахассисон дода мешавад. Тоҷикистон кишваре нест, ки дорои нерӯи бузурги зеҳнӣ бошад. Агар Русия мутахассисони беҳтарини моро бубарад, дар оянда ин оқибатҳои манфӣ хоҳад дошт», — мегӯяд коршинос Иршод Сулаймонӣ.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.