Тоҷикистон: футболбозони Кӯлоб барои намоз бозпурсӣ шуданд

Кормандони Раёсати КДАМ дар шаҳри Кӯлоб, пас аз адои намози дастаҷамъона дар утоқи либос ивазкунии варзишгоҳи шаҳри Ҳисор бозингарон ва мураббиёни дастаи футболибозони маҳаллии «Равшан» — ро бозпурсӣ карданд ва пас аз он онҳоро маҷбур карданд, ки ришҳояшонро битарошанд. Дар ин бора портали иттилоотии «Ахбор» бо истинод ба мухлиси дастаи «Равшан» хабар медиҳад.

Онҳо иддао доранд, ки пас аз бозпурсӣ дар КДАМ, бозингарон  барои гузоштани намоз дар ҷои ҷамъиятӣ ба маблағи 4000 сомонӣ ҷарима карда шуданд.

«Ҳатто Фаридун Рустамовро, ки дар конфронси КФО дар Ҳисор буд, маҷбур карданд барои бозпурсӣ ба шаҳри Кӯлоб ояд. Ба футболбозон барои хондани намоз дар утоқи либос ивазкунӣ ва барои гузоштани риш бисёр суханҳои шадид гуфта шуд ва онҳоро маҷбур карданд, ки ришҳояшонро битарошанд», — менависад портал.

Ёдрас мекунем, ки 18-уми октябр дар саҳифаи Фейсбуки дастаи футболбозии «Равшан» (Кӯлоб) акси намози дастаҷамъонаи футболбозон дар утоқи либос ивазкунӣ пас аз пирӯзӣ дар финали Ҷоми Тоҷикистон нашр шуда буд.

«Амали шоистаи таҳсин ва тақлид!», «Офарин!», «Аллоҳ ҳамаи шуморо дар паноҳаш нигоҳ дорад!»  — бо чунин тавсифҳо истифодабарандагони сомонаҳои иҷтимоии тоҷик ин аксро истиқбол намуданд.

 

Айни замон акси мазкур аз саҳифаи Фейсбуки дастаи футболбозии «Равшан» бардошта шудааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.