Ҳукумати Тоҷикистон аз исломишавии аҳолӣ безобита мебошад
Мутахассиси маркази стратегии тадқиқоти назди президенти ҷумҳурии Тоҷикистон минтақаҳоро муайян намуд, ки дар он аҳоли ба исломишавӣ гирифторанд. Дар ин хусус мутахассиси шӯъбаи таҳлилӣ ва пешбинии сиёсати дохилӣ Маркази тадқиқоти стратегии назди президенти Тоҷикистон Мулломухтор Муллоев дар мақолае навиштааст, ки дар сомонаи ташкилот нашр гардид, хабар медиҳад Centre1.com.
Муллоев бар асоси маълумотҳое, ки ба ӯ дастрас гардидааст харитаи минтақаҳои дигарандешони Тоҷикистонро барои ташкил намудан ғайрат кардааст.
Аз ҳама пурхатар ва ба пойтахт наздик ноҳияҳои Рӯдакӣ, Ваҳдат ва Нурободро номбар кардааст.
Дар шимоли Тоҷикистон ба сафи пурхатар шаҳрҳои Хуҷанд, Исфара, Конибодом, Истаравшан ва Панҷакент, инчунин ноҳияҳои Спитамен, Ҷаббор Расулов, Ашт, Бобоҷон Ғафуров ва Мастчоҳ шомил мебошанд.
Дар ҷануби Тоҷикистон, вилояти Хатлон бошад аз ҳама минтақаҳои пурхатар шаҳри Кӯлоб ва ноҳияҳои Шаҳритус, Қабодиён, Бохтар, Ҷалолиддини Балхӣ, Фархор ва Восеъ ба ҳисоб мераванд. Инчунин ба сафи дар боло зикршуда Муллоев ноҳияи Айниро низ илова мекунад, ки охирин вақтҳо ҷавонони ин минтақа зуд-зуд ба сафи ҳаракати исломии «Салафия» ҳамроҳ мешаванд. Илова бар ин, мутахассиси дарборӣ қайд намуд, ки кайфияти эътирозии ҷавонон дар аксарият минтақаҳои Тоҷикистон дида мешавад.
Муаллифи мақола ҳамчун мисол маълумотҳои тадқиқотшудаи солҳои 2011 аз тарафи институти Геллапро меорад, ки 85 %-и аҳолии Тоҷикистон омили асосии ҳаёташон дар ислом мебинанд. Дар Қазоқистон бошад нишондоди мазкур 41 %, дар Ӯзбекистон 51 % — ро ташкил мекунад.
