Ванҷ: 6 соли зиндон барои такбир

Додгоҳи шаҳри Хоруғ ҳафт сокини ҷамоати деҳоти Язгуломи ноҳияи Ванҷро бо ҷурми ифротгароӣ ба мӯҳлатҳои мухталиф аз озодӣ маҳрум кард. Дар байни онҳо се нафар хонандаи мактаби миёнаи маҳаллӣ низ ҳастанд.

Бино ба иттилои Радиои Озодӣ, бо такя ба як манбаъ дар додгоҳи шаҳри Хоруғ, ҳукм дар бораи сокинони Язгулом дар охири моҳи декабри соли 2021 содир шудааст. «Чор нафари калонсол 6 соли ва се нафар ноболиғ ки ҳар яки онҳо 1,5 соли зиндонӣ шуданд», — гуфт манбаъ. Номҳои ҳамагӣ чор маҳкумшуда маълум аст — онҳо Асо Шайхов, Лоиқ Одинаев, Ҳотам Шуков ва Ҷаббор Гандумов мебошанд.

Сокинони Язгулом чӣ ҷиноят содир кардаанд, аз ҷониби мақомот то ҳол маълумот дода нашудааст.  Яке аз сокинони маҳаллӣ бо шарти ифшо нашудани номаш ба хабарнигорон гуфтааст, ки «ҷиноят»-и онҳо ин буд, ки бо садои «Аллоҳу Акбар» такбир гуфтаанд.  Волидайни маҳкумшудагон мегӯянд, ки фарзандонашон намозгузоранд, аммо онҳо ба ифротгароӣ ҳеҷ рабте надоранд.

Қобили зикр аст, ки чунин усулҳои сохтакории парвандаҳои ҷиноӣ аз ҷониби мақомоти қудратии Тоҷикистон солҳои зиёд таҷриба карда мешавад, ки ин барои эҷоди зоҳирии мубориза бо ба истилоҳ «ифротгароиву терроризм» ва барои ҳисоботдиҳӣ сурат мегирад.

Блогери маъруфи тоҷик, зодаи ноҳияи Ванҷ Абдураҳмон 09 ин вазъро ба «Хабарҳо» чунин шарҳ дод.