Бӯҳрони асъорӣ дар Тоҷикистон

Бӯҳрони асъорӣ дар Тоҷикистон

Чи тавре ки «Азия-Плюс» менависад, аксари бонкҳои кишвар пули миллиро ба доллар иваз намекунанд, дар ҳоле ки долларро ба сомонӣ бо омодагӣ иваз мекунанд. Танҳо чанд тани аз бонкҳо барои харидории доллар бо пули сомонӣ ва ба миқдори маҳдуд — то 200 доллар барои як нафар мубодила менамоянд. Бонкҳои мазкур аз ҷумла шӯъбаҳои Бонки Эсхата, Аввалин Бонки Молиявии Хурд ва Арванд мебошанд.

Аммо, барои мубодилаи асъор, шумо бояд аввал худро дар навбат қайд намоед. Ин раванд метавонад бо сабаби маҳдуд будани захираҳои доллар дар саррофон якчанд рӯз тӯл бикашад. «Тиҷорат ба доллар ниёз дорад ва шумораи зиёди мардум маблағҳои худро бо ин асъори хориҷӣ сарфа мекунанд. Дар баробари ин, воридшавии доллар низ коҳиш меёбад», — изҳор доштанд дар бонки «Арванд».

Камчинии доллар ҳатто ба ирсолкунандагони маблағҳо ба хориҷа тавассути бонкҳои Тоҷикистон таъсир расонд. Имрӯз, барои интиқоли доллар, ирсолкунанда бояд ин асъорро дошта бошад; мубодилаи сомонӣ ба доллар тавассути нуқтаҳои интиқол анҷом дода намешавад.

Ҷолиби диққат аст, ки режими Раҳмон мавҷудияти падидаҳои бӯҳрониро дар иқтисодиёт ё низоми пулӣ эътироф намекунад ва баръакс, дар бораи беҳтар шудани сатҳи зиндагии аҳолӣ ҳарф мезанад.

Ёдрас бояд кард, ки дар соли 2018, тибқи хулосаи Бонки Ҷаҳонӣ оид ба муҳоҷират ва рушд, интиқоли маблағҳои муҳоҷирони меҳнатӣ дар ҳамон сол 31% аз ММД-ро ташкил карда буд. Дар соли 2019 бошад интиқоли пул аз муҳоҷирони меҳнатӣ аз Русия танҳо 2,6 миллиард долларро ташкил карда буд, барои муқоиса, буҷаи давлати Тоҷикистон барои соли 2020 2,7 миллиард долларро ташкил кард.

Тибқи маълумоти Бонки марказии Русия, дар пасманзари чораҳои карантинӣ дар Русия, ҳаҷми интиқоли пул аз Русия ба Тоҷикистон дар нимаи аввали соли 2020 ба 40% коҳиш ёфтааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.