Жириновский ваъда додааст Тоҷикистонро ҳамроҳи Русия гардонад

Чи тавре ки ҳафтаномаи «Российская газета» иттилоъ медиҳад раиси партияи либерал демократи Русия Владимир Жириновский оиди нияти истилокунии Тоҷикистон иброз намуд. Тибқи гуфтаҳои депутати парлумони рус дар соли 2036 ӯ аз сиёсат меравад, вале пеш аз рафтан мехоҳад Озарбойҷон ва Тоҷикистонро ба Русия ҳамроҳ намояд. Чунин баёнот аллакай дар «Сухани видоӣ»- и Жириновский нашр шудааст. Бо сухани видоӣ ӯ ният дорад санаи 1-уми майи соли 2036 дар назди 200 ҳазор ҷамъшудагон дар Майдони сурх баромад намояд.

«Ман меравам, вале аз паси худ ҷойнишин намегузорам. Зеро замони демократияи рӯирост фаро расидааст. Ҳукумати Русия низ бо иштироки Шӯрои давлат ва шаҳрвандон бунёд шудааст, ки бо воситаи интихоботи интернетӣ аз ҳама шоистагонро интихоб намудаанд. Чунин тартиботро дар ҳамаи шохаҳои ҳокимият ҷорӣ намудем. Ба мо кумитаи маркази интихоботӣ, шӯъбаҳои маркази интихоботӣ, назораткунандагон, аъзоёни комиссия, варақаҳои интихоботӣ лозим нест, миллиардҳо бояд сарфаҷӯӣ шавад», гуфта шудааст дар сухани видоии Жириновскиӣ.

Бояд қайд намуд, ки баёноти мазкури миллатчии асосии сиёсати Русия ҳарчанд як амали бемаънии ахмақона аст, вале дар ҳақиқат такаббурии Русияро оид ба барқароркунии назорати мустамликаи кишвари Тоҷикистонро ошкор ифода мекунад, ки аз охирҳои асри XIX шурӯъ намуда муддати зиёда аз садсол дар истилои аввал подшогии рус, сипас дар истилои Иттиҳоди Шӯравӣ қарор дошт. Мутахассисон қайд мекунанд, ки чунин баёноти таҳқиромез нисбати мардуми Тоҷикистон аз ҷониби мансабдорони тоҷик бидуни изҳори раддия нисбати баёноти мазкур бо сабаби он шуда истодааст, ки худи  режими Раҳмон муҳофизаткунанда ва роҳнамоӣ манфиатҳои империягии Русия мебошад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.