Дар Туркманистон нақлиётҳои рангаш сиёҳро манъ карданд
Як амали навбатии туркманбошии Бердимуҳамедови бедодгари-худсар васоити ахбори оммаи ҷаҳонро ба ҳайрат овард: ҳукумати Туркманистон истифода бурдани нақлиётҳои рангаш сиёҳро манъ кард. Дар ин хусус оҷонсии «Sputnik» хабар медиҳад.
Тибқи иттилои хабарнигорон дар кӯчаҳои Туркманистон аз тарафи кормандони бозрасии автомобилӣ ҳама нақлиётҳои рангаш сиёҳ дарҳол таҳлия шуда истодааст, нархи аз нав ранг кардани нақлиёт бошад аз $500 то $1000 афзоиш ёфтааст.
Ёдрас мекунем, ки воридоти нақлиётҳои рангаш сиёҳ ҳанӯз аз соли 2015 инҷониб манъ аст, алҳол нақлиётҳо аз кӯчаҳо ба истгоҳи ҷаримавии полиси роҳ таҳлия мешавад.
Илова бар ин, ба дархости хабарнигорон оиди сабаби мамнӯъ карда шудани нақлиётҳои рангаш сиёҳ, намояндагони хадамот ғайр аз мулоҳизаи ноаниқ монанди «бояд нақлиёти рангаш сафед харидорӣ намуд, зеро ранги сафед хушбахтӣ меорад», дигар шарҳи дуруст оварда натавонистанд.
Мушоҳидон қайд намуда мегӯянд, ки ранги сафед ранги дӯстдоштаи раисҷумҳури Туркманистон Қурбонгули Бердимуҳамедови ба хурофот имондошта мебошад. Аз ин рӯ, аён мегардад, ки фармони мазкурро худи ӯ додааст.
