Русия: шаҳрванди тоҷик ба 14 соли зиндони низомаш сахт маҳкум шуд

Русия: шаҳрванди тоҷик ба 14 соли зиндони низомаш сахт маҳкум шуд

Чи тавре ки Радиои Озодӣ рӯзи 28-уми март менависад, Додгоҳи ҳарбии ҳавзаи ғарбии 2-юм дар Русия муҳоҷири меҳнатӣ аз Тоҷикистон Диловаршо Шарифовро бо гуноҳи тарҳи ҳамла бо табар ба кӯдакон рӯзи 1-уми сентябри соли 2017 ба чаҳордаҳ соли зиндони низомаш сахт маҳкум кард. Дар муҳокимаи аввал кормандони полис, ки дар амалиёти боздошти Шарифов иштирок варзида буданд дар Додгоҳ оиди бофташудани парванда иқрор шуданд, бо ин корманди ФСБ ро дар дурӯғ айбдор карда, фарзияҳои тафтишотро барбод намуданд. Дар он замон Додгоҳи ҳавзаии низомии Москва парвандаро ба додситони куллӣ баргардонид. Дар тӯли ду моҳ Шӯъбаи тафтишотии ФСБ шоҳидонро аз нав бозпурсӣ намуд, ки охирин нишондодҳои худро куллан тағйир додаанд, вале печидагиҳо дар парванда хеле зиёд боқӣ мондааст.

Шарифов ба вакили мудофеъ Камолова гуфтааст, шаби 31-уми август ба вагоне, ки дар онҷо мезист, панҷ-шаш нафари ниқобпӯш ворид шуда, ба латту кӯби ӯ ва ҳамсояаш шуруъ карданд. Дертар маҷбур намудаанд, дар навор матни навиштаи онҳоро бихонад. Шарифов айбдоркунии онҳоро рад мекард, ӯро латукӯб мекарданд, бо қувваи барқ шиканҷа мекарданд, вақте аз ҳуш мерафт оби ҷӯшро аз болояш мерехтанд. Шарифов иддао дорад, ки видео наворро 10 ё 20 маротиба сабт кардааст, иқроршавиро зери таҳдиди шиканҷаи нав ва бо тавсияи адвокати таъиншуда Олег Кропотин дар ҳузури тарҷумон Мамура Эгамбердиева, ки ба гуфтаи Шарифов, ӯро тамоман нафаҳмидааст, зеро ӯ бо лаҳҷаи дигари тоҷикӣ ҳарф мезад. Шарифов дар бораи шиканҷа ҳам ба адвокат ва ҳам ба тарҷумон хабар додааст (вай инро ҳатто дар мурофиаи судӣ тасдиқ кард), аммо ин дар сабтҳои пурсишҳо инъикос наёфтааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.