Дар Ӯзбекистон ба қарздорони хизмати коммуналӣ адои Ҳаҷро манъ намуданд

Дар Ӯзбекистон сар имом хатиби Тошканд қори Анвар Турсунов фатво баровардаааст, ки касоне аз хизмати коммуналӣ қарздор ҳастанд зиёрати Ҳаҷ ба онҳо ҷоиз нест, бо ин аз мусулмонон ки қарзхои коммунали доранд  талаб намудааст, ки қарзҳояшонро пардохт намоянд ва низ огоҳ карда гуфт, қарздорон зиёрати Ҳаҷ рафта наметавонанд.

«Агар шахсе ба миқдори як сум қарздор бошад, Ҳаҷи шахси зерин қабул намешавад. Мо чунин афродро, ки ба зиёрати Ҳаҷ мераванд ба ҳавопаймо роҳ намедиҳем… Дар Ӯзбекистон шахсоне ҳастанд, ки намоз мехонанд, зиёрати Ҳаҷ мераванд, вале барои истифода бурдани қувваи барқ ҳаққи хизмат пардохт намекунанд», — иброз намуд қори Анвар Турсунов дар маҷлиси клуби иттилоотии байналхалқиӣ Тошканд.

Бояд қайд намуд, ки дар ҳақиқат Ислом ба мусулмон воҷиб гардонид, то қарзҳояшро пурра пардохт намуда, сипас ба зиёрати Ҳаҷ равад. Аммо агар қарздиҳанда иҷозат диҳад, қарздор метавонад зиёрати Ҳаҷ намояд. Акнун ба табиати қарзи сокинони Ӯзбекистон аз давлат бингарем, он чи гуна аст? Дар ҳақиқат аҳволи хизмати коммуналӣ дар Ӯзбекистон хеле ҳузновар буда, даҳсолаҳо инҷониб чунин давом ёфта истодааст. Мардуми кишвар аз набудани қувваи барқ ва газ шикоят мекунанд, дар аксарият ноҳияҳо халқ аз таваққуфи қувваи барқ изтироб мекашанд, ки дар як шабонарӯз қувваи барқ ҳамагӣ якчанд соат дода мешавад. Дар баъзе минтақаҳо таи чанд сол аст, ки газ дода намешавад. Илова бар ин тарофаҳои хизмати коммуналӣ барои мардум ҳақиқатан баланд карда шудааст. Маълум аст, ки ҳукумат муфлисии иқтисодиёташро бо ҷамъоварии маблағи изофагӣ аз мардум барои хизматрасониҳои маишии оддӣ пӯшонидан мехоҳад.

Бояд қайд намуд, ки ҳалли муаммо аз нигоҳи  Ислом чунин аст: об, газ, қувваи барқ, объектҳои истеҳсолкунанда ва расонандаҳои ин неъматҳо мулки умумӣ буда, на аз они афроди ҷудогона ва давлат, балки ба худи мардум мутааллиқ мебошад. Ба таври муносиб, мардум набояд хизмати коммуналиро аз касе бо вуҷуди нархҳои бозаргонӣ харидорӣ намояд, баръакс бояд ба таври ройгон истифода барад. Зеро ҳамаи ин ба Уммат мутааллиқ мебошад. Дар лоиҳаи дустури Давлати Исломии пешоянда, ки аз тарафи яке аз ҳизбҳои байналхалқӣ таҳия шуда, гуфта мешавад:

Моддаи 140: “Ҳар як вакили уммат ҳақ дорад аз тамоми боигариҳое, ки ба доираи моликияти умумӣ дохил мешаванд, истифода барад. Мутлақо ҷоиз нест, ки давлат ба шахсе барои соҳибии моликияти умумӣ ё истифодаи он рухсат дода, раиятро аз он маҳрум созад”.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.