Дар Ӯзбекистон бори дигар намози идонаро бекор карданд

Дар Ӯзбекистон бори дигар намози идонаро бекор карданд

Ӯзбекистониҳо натавонистанд дар рӯзи Иди Қурбон намози дастаҷамъии деринтизорро ба ҷо оранд.  Қарори дахлдорро Шӯрои уламои Идораи мусулмонони Ӯзбекистон рӯзи 16 июл қабул кард. Шӯрои уламо тасмими худро бо вазъи эпидемиологии кишвар асоснок кард. Ба ҷои намози идона, ба ӯзбекистониҳо тавсия дода шуд, ки дар хона намози «нисфирӯзӣ» гузоранд.

Тибқи қарори мазкур, намози ҷаноза низ фармон шудааст, ки дар хона бо иштироки хешовандони наздик гузошта шавад.  Инчунин, адои намози ҷумъа муваққатан боздошта шудааст.  Дар мавриди намозҳои панҷвақта бошад дар майдонҳои кушоди масҷидҳо бо риояи чораҳои карантинӣ гузошта мешаванд.

Ёдрас мекунем, ки қаблан дар бораи баргузории намози идона дар майдонҳои кушод бо риояи чораҳои карантинӣ хабар дода шуда буд.  Ҳамин тавр, муовини якуми раиси Идораи мусулмонони Ӯзбекистон Ҳомидҷон Ишматбеков чунин изҳор дошт: «Раёсати корҳои дин тамоми дастурҳоро барои баргузории намози Иди Қурбон дар шароити карантинӣ иҷозат медиҳад. Чанд ҳафтаест, ки намози ҷумъа дар кӯча гузошта мешавад. Ҳамин тавр, барои гузоштани намози идона дар кӯча шароит фароҳам оварда шудааст.  Албатта, масофа нигоҳ дошта мешавад.  Мо инчунин аз мардум хоҳиш мекунем, ки кӯдакони хурдсол ва пиронсолонро, ки намоз барои онҳо фарз нест, ба ҷои адокунии намоз наоянд».

Ёдрас мекунем, ки соли дуввум аст, ки мақомоти Ӯзбекистон сокинони кишварро аз гузоштани намози идона дар рӯзи Иди Қурбон маҳрум мекунанд.  Режими Ӯзбекистон, ба мисли дигар режимҳои минтақаи Осиёи Марказӣ, бо истифода аз ҳар гуна баҳона дар эҷоди маҳдудиятҳои нав дар иҷрои дастурҳои динӣ аз ҷониби мусулмонон маҳдудиятҳо эҷод мекунад, уламоҳои дарборӣ бошанд бар хилофи Ислом фатвоҳо бароварда, ба қарорҳои мақомоти худ хусусияти қонунӣ мебахшанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.