Коронавирус: тамоми қаламрави Ӯзбекистон ба «минтақаи сурх» ворид шуд

Коронавирус: тамоми қаламрави Ӯзбекистон ба «минтақаи сурх» ворид шуд

Дар Ӯзбекистон вазъи эпидемиологӣ ба таври назаррас бад шуда, шумораи мубталоён ба ҳадди таърихӣ расидааст ва аз ин рӯ, ҳукумат аз 10-уми июл гузариши тамоми қаламрави кишварро ба «Минтақаи сурх» эълон кард. Дар ин хусус 8-уми июл сухангӯи Вазорати корҳои дохилии Ӯзбекистон Шоҳрух Ғиясов зимни брифинги мустақим дар шаҳри Тошканд хабар дод. «Қаблан, як комиссияи вижа ба сокинони вилояти Тошканд иҷозат дод, ки ба пойтахт омада кор кунанд. Акнун он манъ карда мешавад», — қайд кард Ғиёсов.

Ба гуфтаи ӯ, тамоми минтақаҳои Ӯзбекистон ба минтақаи «сурх» гузаронида мешавад, ки ин ба таври назаррас шадид шудани чораҳои карантинӣ дар тамоми кишвар ифода мекунад, на дар минтақаҳои алоҳида.

Ғайр аз он, пас аз пурзӯр кардани карантин аз 10 июл то 1 август, танҳо мағозаҳои хӯрокворӣ ва дорухонаҳо фаолият мекунанд. Ҳамаи имтиёзҳои қаблӣ бекор карда мешаванд.  Нуқтаҳои хӯрокворӣ танҳо метавонанд бо воситаи интиқолдиҳӣ кор бикунанд.  «Феълан, мақомоти дахлдор дар ин бора тартибот таҳия карда истодаанд», — илова намуд сухангӯи ВКД Ӯзбекистон. Қаблан хабар дода шуда буд, ки аз 10 июл то 1 август Ӯзбекистон чораҳои карантиниро тақвият мебахшад.

Ёдрас мекунем, ки 8-уми июли соли ҷорӣ намояндаи Идораи мубориза алайҳи коронавирус дар Ӯзбекистон Ҳабибулло Оқилов вазъи фалокатборро бо коронавирус дар кишвар эълон карда буд. «Агар бигӯем, ки захираҳои системаи тандурустӣ дар айни замон ба итмом расидаанд, муболиға намешавад. Имрӯз катҳои холӣ дар беморхонаҳо вуҷуд надорад.  Тамоми табибон барои ин кор ҷалб карда шудаанд. Аз ин рӯ, дар мувофиқа бо комиссияи махсус,  мо иҷоза додем, ки беморони бидуни нишонаҳои ҷиддӣ дар хона табобат карда шаванд», — иброз намуд Оқилов.

Коршиносон қайд мекунанд, ки чунин вазъ дар дигар кишварҳои Осиёи Марказӣ низ ба назар мерасад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.