Ӯзбекистон: мансабдорон аз эъломияи ҳатмии даромад озод карда мешаванд

Ӯзбекистон: мансабдорон аз эъломияи ҳатмии даромад озод карда мешаванд

Дар Ӯзбекистон мансабдорон ва оилаҳои онҳо аз эъломияи ҳатмии даромадҳояшон озод карда мешаванд, аз ҷумла, президенти кишвар, вакилони палатаи қонунгузорӣ, аъзои парлумон ва Комиссияи марказии интихоботӣ, додгоҳҳо, инчунин аъзои оилаҳои онҳо. Лоиҳаи қонун дар бораи хизмати давлатӣ барои муҳокимаи умум дар портали Соваз (системаи баҳодиҳии актҳои қонунгузорӣ) рӯзи 26 май гузошта шуд.

Лоиҳаи қонуне, ки муҳокимааш то 6 июн идома меёбад, инчунин аз эъломияи ҳатмии даромадҳои Ваколатдори ҳуқуқи башар (Омбудсмен), вакилони Жокарга Кенес (Шӯрои Олӣ)-и Қарақалпоқистон (ҷумҳурӣ дар дохили Ӯзбекистон) ва мақомоти намояндагии маҳаллӣ озод карда мешаванд.

Тавре ки дар шарҳи ҳуҷҷат таъкид шудааст, қабули қонун бояд ба пешгирии коррупсия ва дигар намудҳои сӯиистифодаҳо кӯмак мекунад, вале дар хусуси чӣ гуна пешгирӣ кардани он гуфта нашудааст.

Ба ақидаи коршиносон, қонуни мазкур, баръакс, ба фароҳам овардани шароити мусоид барои дуздии маблағҳои ҷамъиятӣ ва давлатӣ мусоидат мекунад. Мансабдороне, ки ӯҳдадоранд даромади худро декларатсия кунанд, вақте ки маблағи ҷамъкардаи онҳо ки ба андозаи даромади онҳо комилан мувофиқат намекунад, ба коррупсия алоқаманд буданашон фош мешавад. Тасаввур кардан мушкил нест, ки вақте аз онҳо дар бораи даромадҳояшон ҳисобот талаб карда нашавад, чӣ рӯй хоҳад дод.

Бояд қайд кард, ки низоми эъломияи даромадҳоро якумин маротиба яке аз халифаҳои рошидин Умар (р.а.) ба кор бурда, ҳангоме ки раисони ноҳияҳо ва шаҳрҳоро таъин мекард, тамоми даромади мансабдори ояндаро эълом мекард ва ҳангоми аз кор озод шудан, агар маълум шуда бошад, ки ин ё он роҳбар он қадар муздеро ба даст овардааст, ки бинобар маоши худ ба даст оварда наметавонад, пас молу мулкашро мусодира мекард ва то он даме, ки мансабдор пайдоиши маблағро исбот накунад барнамегардонид.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.