Ӯзбекистон: шиканҷаҳо идома дорад
Маркази таҳлилӣ оиди Осиёи Марказӣ АССА фарёди кӯмаки маҳбусони ӯзбекро ки бо воситаи ҳимоятгарони ҳуқуқи Ӯзбекистон ошкор шудааст нашр намуд.
Дар мактуби маҳбусон аз вилояти Намангон дар хусуси вазъият дар колонияи адои ҷазои рақами 6 сухан меравад. Маҳбус бо номи Ӯткир Ҳасанов менависад: «Ман дар колонияи адои ҷазои рақами 6 мӯҳлати ҷазоямро адо менамоям, ки дар онҷо аз тарафи намояндагони колония ба ман фишори равонӣ ва ҷисмонӣ карда мешавад ва ман ба ин дигар тоқат карда наметавонам. Ин ҳолат маро ба худкушӣ водор месозад. Агар имконият бошад ба ман кӯмак намоед. Мехоҳам дар ҳолати ором бо ман шахсе ҳамсӯҳбат шавад».
Маҳкумшудаи дигар бо номи Комилҷон Гулмурзаев низ бо мактуб муроҷиат мекунад. «Бо сабаби ҷароҳатҳои вазнини ҷисмонӣ бардоштаам ҳоло ман маъюби гурӯҳи дуюм ҳастам, ба ман то ҳол дар колония «сахт фишори ҷисмонӣ» мерасонанд. Агар ман маҳбусони дигарро хоҳиш намоям ба ман бо чизе кӯмак намоянд ва ё бо ман ҳамсӯҳбат шаванд, онҳо ҷазо хоҳанд гирифт. Бинобар ин касе бо ман рафтуомад ва ё кӯмак намекунад, чунки метарсанд. Ҳатто дар қисми тиббӣ духтурон бо маслиҳати пешакӣ бо ман муомилаи дуруст намекунанд. Ду маротиба дар давоми 25 рӯз дар изолятор қарор доштам, ки шароити онҷо хуб нест ва бениҳоят хунук аст. Вале ба аҳволи ман касе аҳамият намедиҳад, — менависад маҳкумшуда Комилҷон.
Ёдрас мекунем, ки тобистони соли гузашта дар маҷлиси селекторӣ бо иштироки сардорони мақомоти ҳифзи ҳуқуқ раисҷумҳур Мирзиёев даъват намуд, ки барои беҳтар намудани имиҷи кишвар аз шиканҷакунӣ даст бикашанд. «Бозиҳо бо чӯбдаст ва ниқоби зидди газ — ин чизҳо дар гузашта аст ва ба Ӯзбекистон лозим нест. Тамоми ҷаҳон моро нигоҳ доранд, ҳаррӯз дар интернет 1000 мақолаҳо, ҳадди ақал 700-800 мақола дар бораи Ӯзбекистон нашр мешавад. Ҳатто дар Эфиопия дар хусуси Ӯзбекистон менависанд. Ҳар як қадами мо таҳти назорати ҷомеаи ҷаҳонӣ қарор дорад…», — иброз намуд ӯ. Дар он вақт ҳимоятгарони ҳуқуқ хашмгин шудаанд, ки Мирзиёевро шиканҷаҳо на барои ҷиноят буданаш, балки барои дар интернет маводҳо нашр мешавад, ки ҷиноятҳои мазкурро ифшо менамояд, ғамгин намудааст.
