Домоди Мирзиёев 75% саҳмияҳои ширкати Uzcard — ро харидорӣ намуд

Домоди Мирзиёев 75% саҳмияҳои ширкати Uzcard - ро харидорӣ намуд

Ойбек Турсунов, домоди калонии президент Шавкат Мирзиёев 75%-и саҳмияи бренди Uzcard — ро ба даст овард, дар ин хусус бо истинод ба феҳристи ягонаи давлатии корхонаҳо ва ташкилотҳо радиои Озодӣ менависад.

Тибқи манбаи иттилоотии кушода, муассиси Маркази Ягонаи Протсессингии Ҷумҳуриявӣ (МЯПҶ — бренди Uzcard) тағир ёфт. Ойбек Турсунов соҳиби 75%-и сармояи саҳомӣ Uzcard гардид. Қаблан хабар дода шуда буд, ки Promadik Invest, ки 95% саҳмияҳои он ба Ойбек Турсунов тааллуқ дорад, 36% саҳмияи «Капиталбонк» ро ба даст овардааст.

Ёдрас мекунем, ки Uzcard ин бренди Маркази Ягонаи Протсессингии Ҷумҳуриявӣ мебошад. Имрӯз системаи пардохти байнибонкии Uzcard ассотсиатсияи бонкҳои Ӯзбекистонро, аз ҷумла  Бонки марказӣ, Маркази Ягонаи Протсессингии Ҷумҳуриявӣ (МЯПҶ), 30 бонки Ҷумҳурии Ӯзбекистон ва 40 агрегаторҳои пардохтро муттаҳид мекунад.

Айнан бо чунин роҳ Гулнора Каримова дар замони ҳукмронии падараш моликият ва бизнесҳоро азхуд карда буд ва айни замон пас аз вафоти падараш дар пушти панҷара қарор дорад. Мушоҳидон қайд мекунанд, ки зоҳиран ҳоло вақти он расидааст, ки тамоми соҳаҳои тиҷорат ва моликиятро клани президент Мирзиёев ғасб менамояд. Гузашта аз ин, эҳтимол дорад, ки ин ҳолат то он даме, ки Мирзиёев дар сари қудрат аст, идома хоҳад ёфт, пас аз ин аз рӯи анъана хешовандони Мирзиёев низ ба коррупсия ва тасарруфи маблағҳои пулӣ айбдор карда мешаванд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.