Туркманистон барои гузаронидани «Азиада — 2017» 8 миллиард доллар сарф хоҳад кард
Президенти Туркманистон Қурбонгули Бердимуҳаммадов барои гузаронидани маъракаи дабдабанок ба хотири меҳмонони хориҷӣ тайёр аст, ки аз буҷаи давлат 8 миллиард доллар сарф намояд.
Ба ақидаи муҳаррири нашрияи «Альтернативные новости Туркменистана» Руслан Мятиев бозиҳои «Азиада — 2017″аз буҷаи давлат маблағгузорӣ карда ва дар аснои он даҳҳо ҳазор инсонҳоро аз хонаву дар маҳрум гардонид. Инчунин хабарнигор тасдиқ менамояд, ки ҳукуматдорони Туркманистон ба хотири пӯшонидани хараҷотҳои бозиҳо мардумро барои ройгон чиндани пахта маҷбур карда истодаанд. Ба ақидаи коршиносон барои тайёри дидан ба Азиада аллакай 8 миллиард доллар сарф шудааст, ки 5 миллиарди он барои сохтмони шаҳраки Олимпӣ ва 2,3 миллиарди дигар барои сохтмони фурӯдгоҳи байналхалқӣ сарф шудааст, ки ҳатто аллакай ба таъмир кардан эҳтиёҷ доштааст.
Ғайр аз ин, ташкилоти ҳимояи ҳуқуқ «International Partnership for Human Rights» (IPHR) қайд мекунад, ки як қисми тайёрӣ ба хароба табдил додани манзилҳои зисти мардум ва ба манзилҳои басо кӯҳна кӯчонидани онҳо гузаронида шудааст. Аз кормандони давлат бошад талаб карда шудааст, ки қисми даромадҳояшонро барои пӯшонидани камчинии буҷаи давлат, ки бо сабаби бозиҳои Азиада рӯйдодааст пардохт намоянд. Ҳамаи ин ба хотири ифтихори шахсии президенти Туркманистон даъват шудааст. Ҷолиби диққат аст, ки гимни маъракаро худи Қурбонгули Бердимуҳамадов эҷод намудааст.
Ёдрас мекунем, ки дар аввали соли ҷорӣ Бердимуҳамадов ба ҳукумат фармудааст, ки имтиёзҳо ба аҳолии кишвар барои хизматҳои коммуналӣ бекор карда шавад.
