Дар минтақаҳои Русия нархи патент барои муҳоҷирони меҳнатӣ афзоиш меёбад
Дар вилояти Сахалини ФР аз соли 2019 шурӯъ намуда нақша доранд нархи патентро барои муҳоҷирони меҳнатӣ ба миқдори 5807 рубли русӣ, яъне ба 25% афзоиш диҳанд. Чи тавре ки сомонаи Migrant.news.tj менависад, иловаҳои мутобиқшуда ба лоиҳаи қонун оиди ҷорӣ намудани коэффитсиент аз тарафи депутатҳои думаи вилоятӣ дар якум ҷаласа қабул гардид.
Коэффитсиенти мазкур услуби ба танзим даровардани вориди муҳоҷирони меҳнатӣ ба кишвар буда, ҳарсол барои дар навбати аввал таъмин намудани шаҳрвандони Русия бо ҷои кор ҷорӣ карда мешавад.
Вазъият дар шароити муҳоҷирати меҳнатӣ аз тарафи ҳукумати вилоят ҳамчун устувор баҳогузорӣ карда шудааст. Тибқи иттилои ШВКД Русия дар вилояти Смоленск ҳиссаи коркунони хориҷӣ бо патент дар соли 2017 аз 282,7 ҳазор нафар 8,7 ҳазорро ташкил намуд.
Ба гуфтаи сардори оҷонсии меҳнат ва шуғли аҳолӣ Татяна Бабич, муқаррар шудааст, ки дар соли 2019 коэффитсиенти нишондиҳандаи хусусияти бозори меҳнати вилоят ба миқдори 2,76 гузошта шавад, яъне пардохти пешмузди моҳонаи патент ба миқдори 25% афзоиш дода мешавад.
Нархи патент дар вилояти Амур соли 2019, 5711 рубли русӣ хоҳад шуд. Барои муқоиса намудан нархи патент дар соли ҷорӣ 5509 рубли русиро ташкил намуда буд.
