Русия: шаҳрванди Тоҷикистон ба мӯҳлати 14,5 соли низомаш махсус маҳкум шуд

Русия: шаҳрванди Тоҷикистон ба мӯҳлати 14,5 соли низомаш махсус маҳкум шуд

Ҳайъати низомӣ Додгоҳи олии Русия санаи 23-уми июл шикояти дархостии шаҳрванди Тоҷикистон Зикруллохон Раҳмонхӯҷаевро, ки ду маротиба дар соли 2014 ва 2018 тибқи парвандаҳои ҷиноии бофташуда бо моддаи 282.2 қ 2, моддаи 30 қ 1, моддаи 278 қ 1, моддаи 222 ва инчунин моддаи 205.5 қ 2 маҳкум шудааст, дида баромад.

Додгоҳ тасмим гирифт, ки ҳукм нисбати шаҳрванди Тоҷикистон бетағйир боқӣ гузошта шавад.

Падари се фарзанд Раҳмонхӯҷаев соли 2012 дар шаҳри Маскав аз тарафи кормандони ФСБ бо айби иштирок кардан дар ҷамоати исломии сиёсӣ байналхалқӣ Ҳизби Таҳрир дастгир шуда, сипас дар соли 2014 додгоҳ шаҳрванди Тоҷикистонро ба мӯҳлати 7 сол дар колонияи низомаш сахт маҳкум намуд. Дар соли 2018 нисбати Раҳмонхӯҷаеви адои ҷазо намуда истода кормандони ФСБ парвандаи ҷиноии нави бофташуда бо моддаи 205.5 қ 2 КҶ ФР илова намуданд. Додгоҳ ба мӯҳлати кӯҳна боз мӯҳлати навро илова карда ҳамагӣ 14 солу 6 моҳ дар колонияи низомаш махсус маҳкум намуд.

Хабарнигори «Хабарҳо» бо ҳимоятгари маъруфи шаҳри Маскав Баҳром Ҳамроев, ки дар суд ҳамчун ҳимоятгари Раҳмонхӯҷаев иштирок кардааст ба тамос баромад.

«Дар дархости худ Зикруллоҳ талаб намуд, ки парвандаи ҷиноӣ баста шавад ва барои аз нав дида баромадан ирсол гардад, ин мавқеи сиёсист. Зикруллоҳ хеле зиндадил менамуд, ба тамоми мусулмонҳо салом расонид ва мусулмононро даъват намуд, ки ресмони Аллоҳро чанг бизананду устувор бошанд. Инчунин Зикруллоҳ аз мусулмонон дархост намуд, ки ба ҳаққи ӯ дуогӯӣ бошанд, бигзор дар ҳолати вазнин қарор дошта бошад ҳам, ӯ мусулмононро дар дуоҳои худ зикр мекунад. Зикруллоҳ Раҳмонхӯҷаев изҳор дошт, ки аз муфаттиш ва аз судкунанда манзарат нахост, зеро ӯ худро бегуноҳ меҳисобад. Ӯ боз гуфт: «Агар бихоҳед боз мӯҳлат илова намоед, ман наметарсам»», — суханҳои Зикруллоҳро Баҳром Ҳамроев меорад.

Ёдрас мекунем, ки Раҳмонхӯҷаев аз тарафи аксарият ташкилотҳои ҳимоятгарони ҳуқуқ, аз ҷумла ташкилоти ҳимоятгари ҳуқуқи «Мемориал» маҳбуси сиёсӣ эътироф гардидааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.