Дар шаҳри Тула муҳоҷиронро ба қатор рост намуданд
Дар шаҳри Тулаи ФР муҳоҷирони меҳнатӣ аз Осиёи Миёна ба тафтиши умумӣ рӯбарӯ гаштанд. Бинобар иттилои «Московский Комсомолец в Туле» дар рейди зидди муҳоҷирон якчанд сохторҳои қудратӣ аз ҷумла РВКД, ОМОН, СОБР ва Росгвардия иштирок варзиданд. Тафтиши оммавӣ на танҳо дар бозорҳо, балки дар гузарҳои назди бозор низ ба вуқӯъ пайваст.
Хусусан дар гузарҳои Пирогова ва Каминский низ муҳоҷирони меҳнатӣ аз Осиёи Миёна вуруд шудагонро тафтиш намуданд. Санаи 20-уми октябр пас аз нисфирӯзӣ тахминан 200 нафарро чунонки асирони даври ҷанги дуюми ҷаҳонӣ дар як саф қатор намуданд.
Ҳодисаи мазкурро раиси ташкилоти ҳимояи ҳуқуқ «Ёрдам» ва корманди «Мемориал» Баҳром Ҳамроев чунин шарҳ медиҳад: «Хабарнигорон эътибор диҳед, кормандони ҳифзи ҳуқуқ муҳоҷирони меҳнатиро намоишкорона дар як саф рост намудаанд, чунонки асиронро дар вақти ҷанг саф мемонанд ва Кремл дар чунин ҳолатҳо баҳонаи худро дорад. Онҳо мегӯянд: «Мо бар зидди экстремизм ҳастем». Бо баҳонаи экстремизм, ба Ислом ва мусулмонон ҳамла мекунанд».
