Сензура дар Ӯзбекистон
Як чанд рӯз қабл барандаи шабакаи «Ӯзбекистон-24» дар сӯҳбат бо хабарнигори сомонаи kun.uz оиди фаъолияти шабакаи давлатӣ нақл намуд, ки ин дар ҳақиқат баёноти фошкунандаи вуҷуд доштани сензура дар Ӯзбекистон мебошад.
Хусусан ӯ баъзе нуктаҳоро пайгирӣ намуд, «Мутаассифона, имрӯз дар телевизиони Ӯзбекистон сензураи сахт мавҷуд аст. Мо бо системаи кӯҳна кору фаъолият мекунем, чизеро дигаргун кардан мушкил мебошад. Вале, аз мо талаб мекунанд, ки корро бо зудӣ ва фавран ба ҷо орем. Ва дар ин асно маводҳои тайёр шударо якчанд кас тафтиш менамояд. Вале, агар тафтиш кунандагон бо чизе машғул шаванд, маводҳо аҳамияти худро гум мекунад. Мо дар хусуси озодии сухан ҳарф мезанем, вале сензура то ҳол вуҷуд дорад. Масалан, мо аксар вақт бо маблағгузорон гузориш тайёр мекунем вақте, ки маблағгузорон оиди мушкилиҳои рӯбару шудаашон нақл мекунанд, барои ҳалли ин мушкилиҳо кӯмак мепурсанд, мо гуфтаҳои онҳоро дар матн бо тағйирот тарҷума карда овоз медиҳем. Дар натиҷа дар Ӯзбекистон тағйиротҳои бузург гузаронида мешавад, ман ба ин хеле шод ҳастам. Оё ин дурӯғ нест? Фикр мекунед, ки инсонҳо онро намедонанд? Инсонҳо интернет ва дигар манобеъро пайгирӣ менамоянд. Онҳо хуб медонанд, ки мо дурӯғ мегӯем ва аз болои шабака ханда мекунанд».
Ба суоли, оё шумо пас аз чунин баёноти фошкунанда наметарсед, ки аз вазифа сабукдӯш мешавед, ӯ гуфт: «Ҳамчун инсон, ҳамчун хабарнигоре, ки ба касби худ содиқ аст, наметарсам барои гуфтаҳоям аз вазифа сабукдӯш гардам. Зеро, беҳтар аст, ки аз вазифа сабукдӯш гардам ва намехоҳам ба азоби виҷдон гирифтор шуда то охири умрам дар назди тамошобинон гунаҳкор шавам».
Бояд қайд намуд, ки пас аз ба қудрат омадани Мирзиёев дар соли 2016 то ба имрӯз вазъият дар соҳаи ҳуқуқи инсон ва озодии сухан чизе тағйир наёфтааст.
