Туркманистон: камёбии орд ва содироти анвои нонӣ

Чи тавре ки ОИ «Хроника Туркменистана» аз санаи 12-уми ноябр иттило медиҳад, дар шаҳр ва навоҳиҳои Мара кормандони полис чи тавр ба миён омадани меҳмондориҳоро, ки дар тӯйҳо, худоиҳо ва садақаҳо дода мешавад тафтиш менамоянд.

Таъоми асосӣ дар чунин маъракаҳо доғрама аст: нонҳои реза карда, гӯшт ва пиёз буда, бо гӯштоба рехта шуда мебошад. Инчунин ба дастархон миқдори зиёди нон тақдим мешавад. Тибқи гуфтаи манбаи «Хроника Туркменистана» вақтҳои охир кормандони полиси шаҳри Мара рағбат доранд бифаҳманд, ки дар аснои камчинии орд шаҳрвандон ордро аз куҷо дастрас менамоянд.

Деҳанишине, ки нахостааст номаш ифшо гардад ба харнигорон мегӯяд: «Ман садақа додам, инҳо бошад омада маро дар назди мардум ба пурсиш қарор додаанд. Ва гӯё сабаби камчин будани орд дар кишвар шуда истода ман айбдор мебошам”.

Қайд намудан зарур аст, ки камчинии орд ва нон дар Туркманистон тайи ду соли охир намоён мебошад. Ба камчинии орд дар кишвар нигоҳ накарда, ВАО-и ба ҳукумат тобеъ буда иттило медиҳад, ки истеҳсолкунандагони шахсӣ маҳсулотҳои нон мехоҳанд маҳсулотҳои нониро ба хориҷа содирот намоянд. Чи тавре ки шабакаи «Altyn Asyr» иттило медиҳад, истеҳсолкунандагони маҳсулоти нонӣ вилояти Дашогуз ки ҷиҳозҳои аврупоӣ дар ихтиёри худ доранд маҳсулотҳои нониро барои содирот истеҳсол мекунанд.