Русия зиндагии муҳоҷирони меҳнатиро дубора мушкил мекунад

Русия зиндагии муҳоҷирони меҳнатиро дубора мушкил мекунад

1 июл Владимир Путин қонуни таҳти рақами 274 «Дар бораи ворид намудани тағирот ба қонунгузорӣ дар бораи муҳоҷират»-ро имзо кард, ки дар он муҳоҷирони меҳнатӣ ба таври возеҳ тафриқаандозӣ карда мешаванд. Тибқи навоварӣ, муҳоҷирон ӯҳдадоранд, ки ҳар се моҳ барои надоштани ВИЧ СПИД ва 8 бемории сироятӣ озмоишҳо гузаронанд.  Дар ин бора рӯзи 1 июл оҷонсии иттилоотии ТАСС хабар дод.

Дар навбати худ, фаъолони саҳифаи «Мо, муҳоҷирон» дар Фейсбук ҷузъиёти қонуни навро пешкаш карданд: муҳоҷир бояд ҳар се моҳ аз ташхиси тиббӣ оид ба набудани моддаҳои нашъадор ва психотропӣ, бемориҳои сироятӣ ва ВИЧ СПИД озмоиш гузарад, тести РЗП (Реаксияи Занҷири Полимеразӣ) бошад умуман ҳар 3 рӯз озмоиш намояд. Гузашта аз ин, муҳоҷирон бояд ҳамаи ин озмоишҳоро танҳо дар «ташкилотҳои ваколатдори минтақавӣ» ба монанди ММС Сахарово, ки бо нархҳои гарони худ ва муносибати таҳқиромез нисбат ба муҳоҷирони меҳнатӣ маъруфанд гузаранд.

Ёдрас мекунем, ки чанде қабл расонаҳо навишта буданд, ки мақомоти Русия имкони ҷорӣ кардани андози 1% -ро аз ҳама интиқоли пулҳои фаромарзии ашхос, аз ҷумла миллионҳо муҳоҷирони меҳнатӣ аз Осиёи Марказӣ баррасӣ менамоянд.  Тибқи ҳисобҳои иқтисоддонҳо, ҷорӣ кардани ин андоз метавонад ҳамасола ба буҷаи ФР 400 миллион доллари иловагӣ ворид кунад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.