Парвандаи бофташуда нисбати муҳоҷири меҳнатӣ аз Осиёи Миёна
Додгоҳи ноҳиявӣ Мешански шаҳри Маскав Камалов Исломбекро ки дар иштирок намудан дар ташкилоти террористӣ (моддаи 205.5 қисми 2 КҶ) гумонбар мешавад ба мӯҳлати 2 моҳ аз озоди маҳрум сохт. Дар ин хусус ҳимоятгар Тимур Идалов ба «МБХ медиа» хабар дод.
«Бале, ба мӯҳлати 2 моҳ аз озоди маҳрум сохтанд. Муфаттиш сабаби боздоштро наовард. Мо кори мазкурро ба додгоҳ супоридем, вале, додгоҳ ҳолати мазкурро ба инобат нагирифт», — гуфт ҳимоятгар.
Ба гуфтаи ҳимоятгари ҳуқуқ Пётр Курянов нишондод нисбати Камолов «шоҳиди махфӣ» додааст, ки якҷоя бо Камолов дар як камера ҷазои маъмурӣ адо менамуд.
«Камолов гӯё оиди бартари доштани дини Ислом аз дигар динҳо нақл намудааст», инчунин гуфтааст, ки ба «Давлати Исломӣ» шомил шуда, ба Туркия рафтааст то ин ки ба сафи ташкилоти мамнӯъи ДИИШ аъзо гардад. Маводҳои зеринро муфаттиш барои дасгиршавии Камолов ҳамчун далел пешниҳод намудааст.
Ёдрас мекунем, ки Камолов санаи 12-уми декабри соли 2018 пас бозгашт аз Туркия дар фурудгоҳи Внуково дастгир шудааст. Телефони дастӣ ва ҳуҷҷатҳояшро мусодира намуда, барои бо наздикон ва ҳимоятгар алоқа намудан иҷозат надоданд. Ҷавонро аз фурудгоҳ ба шӯъба бурдаанд, чи тавре ки ҷавон нақл менамояд дар роҳ ӯро маҷбур карданд, ки шароб бинӯшад. Сипас, ӯро ба 3 шабонарӯз «барои ноитоатӣ ба кормандони полис» ҳабс намуданд.
Пас аз адои ҷазо баромадан аз қабулгоҳи махсус Камоловро кормандони ҳифзи ҳуқуқ рабуданд. «Ӯро бо зӯрӣ ба нақлиёт савор намуда, ба тарафи номаълум бурдаанд», нақл намуд ҳимоятгар. Айнан ҳамон рӯз Камоловро барои «суханҳои қабеҳ дар ҷойҳои ҷамъиятӣ» ба мӯҳлати 15 шабонарӯз ба ҳабс гирифтанд.
Санаи 28-уми декабр пас аз баромадан аз қабулгоҳи махсус ба озодӣ Камоловро боз маротибаи 3 дар давоми як моҳ дастгир намуданд. Ин дафъа барои дашном намудан дар назди додгоҳи Хамовнический ба мӯҳлати 15 шабонарӯз ба ҳабс гирифтанд.
