Дар Русия мехоҳанд тафсири Қуръонро манъ намоянд

Санаи 21-уми январи соли 2019 дар додгоҳи ноҳияи Красноглински шаҳри Самара оиди ба сафи маводҳои экстремистӣ даровардани китобҳои исломӣ ҷараёни судӣ баргузор мегардад. Хусусан прокуратура талаб дорад, ки «Шарҳи Қуръони Карими Мухтасар «Тафсири Қуръони Азимушшаън»- и ибни Касири Димишқӣ ва тафсири Қуръони Карими Абдурраҳмон ибни Носир «Тафсири осонбаён аз  Бахшандаву Меҳрубон»: Тарҷумаи Қуръони Карим ба забони русӣ бо шарҳи Абдурраҳмони Саъдӣ дар 3 ҷилд», манъ намоянд. Дар ин хусус сомонаи Ансар.ру иттило медиҳад.

Сабаби ташаббуси манъ кардани китобҳои мазкур — «тибқи натиҷаҳои тадқиқоти илми забоншиносӣ Сарраёсати ФСБ-и Русия дар вилояти Самара таҳти рақами 81 аз 6-уми марти соли 2018, дар китобҳои зикршуда калимаҳои экстремистӣ вуҷуд дорад».

Ёдрас мекунем, ки имрӯз аз тарафи додгоҳҳои Русия садҳо адабиётҳои исломӣ аз ҷумла: Сирати паёмбар Муҳаммад, китоби 40 ҳадиси имом Нававӣ, Паноҳгоҳи Мусулмон ва ғайраҳо манъ карда шудааст.

Бояд қайд намуд, ки моҳи сентябри соли 2013 додгоҳи ноҳияи Октябрски шаҳри Новороссийски ФР даъвои прокуратураи нақлиётии шаҳрро қонеъ намуда «Тарҷумаи Қуръони Карим бо забони русиро» ҳамчун адабиёти экстремистӣ эълон намуд. Вале, пас аз иқдомҳои пурсарусадои оммавии мусулмонон дар қаламрави кишвар қарори додгоҳи ноҳияи Октябрскро худи ҳамон сол додгоҳи вилояти Краснодар бекор намуд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.