Тоҷикистон: андози нав барои ҳоҷиён
Палатаи поёни парлумони Тоҷикистон санаи 26-уми апрел тағйиротҳои Қонуни «Дар хусуси пардохтҳои » тасдиқ намуд. Ислоҳоти дар қонун зикргардида, чи сокинони кишвар бошад ва чи хориҷиён пардохти андози иловагиро пешбинӣ менамояд, дар ин хусус нашрияи Авесто иттило медиҳад.
Тибқи ислоҳотҳои мазкур, шаҳрвандони Тоҷикистон ки бо мақсади сайёҳӣ ба хориҷа мераванд, инчунин касоне, ки барои ба ҷо овардани Умра ва Ҳаҷ ба зиёрат мераванд, боҷпулии иловагӣ пардохт мекунанд. Инчунин, қарори мазкур ба сайёҳони хориҷӣ низ тааллуқ дорад: бо даромадан ба қаламрави Тоҷикистон онҳо боҷи давлатӣ пардохт менамоянд, чи андоза будани онро ҳукумати кишвар муайян хоҳад кард.
Ёдрас мекунем, ки дар соли 2017 барои зиёрати Ҳаҷ 6,5 ҳазор нафар сокинони Тоҷикистон сафар карда буданд, дар соли 2018 бошад шумораи зиёраткунандагон ба 7 ҳазор нафар расид. Аз ин рӯ, ҳамаи ин шаҳрвандон минбаъд барои сафар ба зиёрати Умра ва Ҳаҷ маҷбуранд ба давлат андоз бисупоранд.
Котиби матбуотии палатаи парлумони Тоҷикистон Муҳаммадато Султонов дар муҳосиба ба ОИ Авесто нақл намуд, ки ислоҳотҳои мазкур барои ташкилдиҳии манбаъҳои нави зиёд намудани буҷаи давлат қабул карда шудааст.
