Тоҷикистон: мавҷи нави коронавирус ва «тамрингузаронӣ»

Тоҷикистон: мавҷи нави коронавирус ва "тамрингузаронӣ"

Бо вуҷуди мавҷи нави паҳншавии коронавирус дар Тоҷикистон, тамринҳои «маршировка» ба ифтихори 30-солагии истиқлолият идома доранд.

Муовини аввали вазири фарҳанги кишвар Обидҷон Назариён, ки масъули ташкил ва баргузории тамрин аст, ба хабарнигорон гуфт, ки мақомот ният надоранд, омодагиро ба ид қатъ кунанд.

«Мо корҳои омодагиро ба 30-солагии истиқлолияти кишвар идома медиҳем.  То ҳол ба мо ягон дастури расмӣ оид ба бекор кардани маршировка нарасидааст», — гуфт ӯ.

«Маршировка аз рӯзи 17 июн оғоз ёфт ва дар он 15 ҳазор донишҷӯ аз донишгоҳҳои гуногуни пойтахт ширкат доранд.  То ҳол дар бораи лағв ё коҳиш ёфтани шумораи ширкаткунандагон чизе маълум нест «, менависад «Азия-Плюс» бо истинод ба манбаъаш дар шаҳрдории пойтахт.

Ёдрас мекунем, ки мақомоти Тоҷикистон то чанде пеш пайдоиши беморони гирифтори сирояти коронавирусро рад мекарданд, аммо дар натиҷа, 21 июн, онҳо маҷбур шуданд, ки расман мавҷи нави сирояти коронавирусро эътироф кунанд.

Танқидкунандагон аллакай шабеҳии амалҳои ҷории режими Тоҷикистон ва амалҳои он дар ҷашни Наврӯзи соли гузашта, ки дар натиҷа сирояти ҳазорон шаҳрвандон ва марги садҳо нафари онҳо ба вуҷуд омадааст, изҳор намуданд.

Нозирон қайд мекунанд, ки режими Раҳмон эҳтимол аст, ки аз таҷлилҳои бошукӯҳ ба ифтихори 30-солагии ба ном «истиқлолият»-и кишвар даст накашад, зеро дар маркази пойтахт боғи нави «Истиқлолият» дар 30 гектар замин ва стелаи 121 метра сохта шудааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.