Ӯзбекистон: фишорорӣ нисбати фермерон идома дорад
Ҳукумати Ӯзбекистон нисбати фермерон фишорориро идома медиҳад. Фермерони шаҳри Самарқанд ва Фарғона аз ҳукумати маҳаллӣ шикоят намуданд, ки охирин аз онҳо барои иҷро нашудани нақша оиди тайёр намудани пилла маблағ меситонанд. Ба гуфтаи фермери аз деҳоти «Кийким»-и ноҳияи Кошрабати вилояти Самарқанд, аз фермероне, ки нақшаро ба итмом расонида наметавонанд аз ҳисоби пардохт 40 000 сӯм (тақрибан $5) барои як кило пиллаи нарасидаи нақшавӣ боздошт менамоянд.
«Дар натиҷа фермерон ба миқдори 20 000 сӯм ($2,5) зарар мебинанд. Нархи 1 кило пилла 19 000 то 20 000 сӯм мебошад. Ин нарх аз тарафи фабрика муайян карда мешавад. Вале фермер бошад бо ҳисоби миёна барои 1 кило пилла 20 000 сӯм зиён мебинад», мегӯяд фермер.
«Масалан, нозири минтақавӣ бо номи «Баҳри» ба абрешим барорҳо фишор оварда, баъзан онҳоро мезанад. Нозири минтақавӣ ҳатто бо таҳдиди зиндон ба мӯҳлати 15 шабонарӯз онҳоро метарсонад», иброз дошт яке аз фермерон.
Зимнан, ҳукумати маҳаллӣ вуҷуд доштани фишор нисбати фермеронро инкор мекунад.
