Тоҷикистон сиёсати Чинро оиди Туркистони Шарқӣ дастгири намуд
Намояндагони зиёда аз 20 кишвари ҷаҳон сиёсати Чинро нисбати мусулмонони Туркистони шарқӣ маҳкум намуданд. Сафирони кишварҳои мазкур мактуби мутобиқшударо ба Шӯрои СММ оид ба ҳуқуқи инсон ирсол намуданд. Дипломатҳо аз шӯро дар шаҳри Женева ки санаи 12-уми июл ҷаласаи 41-уми худро ҷамбаст менамояд, дархост намуданд, ки мактуби мазкурро ба рӯйхати санадҳои расмӣ дохил кунанд.
«Бисту ду давлат аз Чин даъват намуданд, то муомилаи вахшиёнаи худро нисбати мусулмонони Шинҷон қатъ намояд», — иброз намуд Ҷон Фишер сардори Human Rights Watch дар Женева. «Баёнияи муштарак на танҳо барои аҳолии Шинҷон, балки барои тамоми башарият дар ҷаҳон муҳим мебошад…».
Мактуби мазкур аз тарафи намояндагони давлатҳои ба монанди: Австралия, Австрия, Белгия, Канада, Дания, Эстония, Финляндия, Фаронса, Олмон, Исландия, Ирландия, Ҷопон, Латвия, Литва, Люксембург, Ҳолланд, Зеландияи Нав, Норвегия, Испания, Шветсия, Швейтсария ва Бритониёи Кабир ба имзо расидааст. Ҷолиби диққат аст, ки дар рӯйхати муроҷиати давлатҳои имзо гузоштагон намояндагони кишварҳои мусулмоннишин вуҷуд надорад. Ғайр аз ин, кишварҳои ба монанди Уммон, Қувейт, Қатар, Иморати Муттаҳидаи Араб, Баҳрайн, Покистон, Саудияи Арабӣ, Сурия ва Тоҷикистон ташаббуси Русияро оиди сиёсатронии Чин дар Туркистони Шарқӣ дастгирӣ намудааст, дастгирӣ карданд. Инчунин ташаббуси Русияро барои дастгирии сиёсати Чин намояндагони давлатҳои Венесуэла, Кореяи Шимолӣ, Белорус ва намояндагони аксарияти кишварҳои Африқо, Куба, Мянмар ва Филиппин баромад намуданд.
