Тоҷикистон: шикори занҳои ҳиҷобпӯш идома дорад

Тоҷикистон: шикори занҳои ҳиҷобпӯш идома дорад

Дар ҷаласаи 126-уми Кумитаи СММ оиди ҳуқуқи инсон ки дар шаҳри Женева ду ҳафта пеш баргузор гардида буд прокурори генералии Тоҷикистон баромад карда ҳозиринро эътимод кунонида буд, ки дар Тоҷикистон таъқиби занҳои ҳиҷобпӯш вуҷуд надорад, ҳамоно санаи 13-уми июл дар сомонаи иҷтимоии Фейсбук яке аз истифода барандагони сомонаи мазкур зери номи Салмон Холиқов навори видеоӣ аз ҷои ҳодисаи рейди навбатӣ алайҳи либоси исломӣ нашр намуд.

Дар навор мушоҳида карда мешавад, ки кормандони ҳукумат дар кӯча занҳо ва духтарони ҳиҷобпӯшро манъ мекунанд. Муаллифи навори видеоӣ ба назди иштирокчиёни рейд омада, аз онҳо суол мекунад, ки аз чи сабаб ва дар кадом асос онҳо занҳои рӯймолдорро манъ мекунанд? Яке аз иштирокчиёни рейд дағалона посух медиҳад: «Бо занҳои ҳиҷобпӯш чи кор мекунем, кори ту чист? Мо вазифаи худро иҷро карда истодаем. Қарори Ҷаноби олӣ ҳаст, ки пӯшидани ҳиҷобро дар Тоҷикистон манъ мекунад. Ин либос барои мо бегона аст. Ба кори мо дахолат накун!»

Инчунин истифода барандаи дигари сомонаи иҷтимоӣ низ зери номи Насими Раҳим дар саҳифаи худ суратеро аз ҷои рейд дар кӯчаи Неъмат Қаробоев нашр намудааст. Дар шарҳи зери нашри мазкур ӯ навиштааст, ки  дастгиршавии як гурӯҳ занҳои ҳиҷобпӯш дар кӯчаи Неъмат Қаробоев шоҳид гардидааст, ки дар натиҷа дастгиршудагонро ба яке аз шӯъбаҳои ВКД ноҳияи Сино интиқол намудаанд.

Ёдрас мекунем, ки каме пештар прокурори генералии Тоҷикистон Юсуф Раҳмон дар рафти баромадаш дар шаҳри Женева қайд намуда буд, ки тамоми хабарҳо дар бораи кормандони ҳифзи ҳуқуқ ки ба таври маҷбурӣ сатр ва ҳиҷобҳои занонро кашида мегиранд бе эътимод мебошад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.