Дар Хуҷанд масҷидро ба кинотеатр табдил медиҳанд

Дар Хуҷанд масҷидро ба кинотеатр табдил медиҳанд

Сардори шӯъбаи фарҳанги вилояти Суғд Бахтиёр Қосимов зимни нишасти матбуотӣ рӯзи 27 январ иброз намуд, ки яке аз биноҳои собиқ масҷиди «Нури Ислом» дар шаҳри Хуҷанд ба кинотеатр табдил хоҳад ёфт, хабар медиҳад портали иттилоотӣ Ахбор. Интизор мешавад, ки як кинотеатри хурди нав бо 80 ҷой дар моҳи марти соли 2020 ба кор оғоз хоҳад кард. «Ба ғайр аз намоиши филмҳо, дар инҷо тӯдаи дӯстдорони синамо ташкил хоҳад шуд. Мардум пас аз тамошои филм метавонанд дар хусуси он баҳсу мунозира кунанд. Дар кишварҳои Аврупо чунин таҷриба вуҷуд дорад ва он барои ривоҷ додани соҳаи мазкур бениҳоят муҳим мебошад», — қайд намуд Бахтиёр Қосимов.

Масҷиди «Нури Ислом» соли 1991 бо маблағи намозгузорон сохта шудааст ва он дуюмин масҷиди калон дар шаҳри Хуҷанд ба ҳисоб меравад. Мақомоти Тоҷикистон тӯли солҳои охир зиёда аз ду ҳазор масҷидро баста, онҳоро ба сехҳои дӯзандагӣ, нуқтаҳои тиббӣ, китобхонаҳо, дорухонаҳо, чойхонаҳо ва ба дигар объектҳои иҷтимоӣ табдил додаанд. Дар шаҳри Исфара бошад дар бинои собиқ масҷид толори теннисбозӣ ташкил намуданд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.