Дар Тоҷикистон пойафзоли ягонаи мактабиро ворид менамоянд
Вазири маориф ва илми Тоҷикистон Нуриддин Саид ба хабарнигорон оиди нақшаи мақомот ки барои истеҳсоли пойафзоли кӯдакона шурӯъ мекунад, иттило дод. Муассисаи истеҳсолотӣ дар назди Коллеҷи техникии кишвар фаъолият хоҳад кард.
Нуриддин Саид зарурати фабрикаро бо талаботи талабагон далелнок намуд. «Тасаввур кунед, ки ғайр аз донишҷӯён 2 млн талаба ҳаст. Агар ҳар як талаба тибқи мавсим 3 ҷуфт пойафзол бипӯшад, аз 8 млн зиёд пойафзол лозим мегардад», — гуфт ӯ.
Ғайр аз ин, ба ақидаи вазир фабрикаи нав метавонад аз хориҷ вурудшавии пойафзолро ҷойгузин намояд. «Мо дуруст қарор намудем, ба ин иқдом соҳибкорони ватанӣ ҳам ҷалб карда шуданд. Дар навбати худ, ин ҳам ҷойҳои корӣ, истеҳсолоти ватанӣ, дастгирии соҳибкорон ва фоида ба буҷаи кишвар, инчунин бо мақсади ҷойгузин намудани вуруди истеҳсолот аз хориҷа карда мешавад», — иброз намуд вазир.
Бояд қайд намуд, ки дар Тоҷикистон либоси ягонаи мактабӣ вуҷуд надорад, вале талабагон тӯли солҳои дароз тибқи стандарти Вазорати маориф ва илми Тоҷикистон гузошта шуда либос мепӯшанд.
Тибқи талаботи маъмурияти таҳсилотгоҳҳои миёна, волидайн маҷбур аст, ки либосҳои мактабиро аз истеҳсолкунандагони ватанӣ, ки маъмурияти мактаб ба он далолат намудааст харидорӣ намоянд. Зимнан нархи либосҳои мактабӣ аз нархи бозор дида гаронтар мебошад.
Мушоҳидон қайд мекунанд, ки минбаъд волидайни талабагон маҷбуранд, ки на танҳо либоси болоӣ, балки пойафзолро низ аз истеҳсолкунандагони ватанӣ, эҳтимол аст бо нархи гарон харидорӣ намоянд.
