Имомҳои масоҷид дар хизмати ҳизби ҳокимият
Дар ноҳияи Мастчоҳи шимоли Тоҷикистон имом-хатибони маҳаллӣ дар сохтмони офиси ду ошёнаи ҳизби ҳукмрон, Ҳизби халқӣ-демократии Тоҷикистон (ҲХДТ) иштирок меварзанд, дар ин хусус радиои Озодӣ иттило дод.
Сохтмони бинои ду ошёна дар ноҳияи Мастчоҳ 500 000 сомонӣ ($50 000 доллар) — ро ташкил хоҳад кард. Як қисми маблағ аз тарафи имомҳои масоҷид аз ҳисоби садақот ва пардохти хизматҳои динӣ ҷамъоварӣ шудааст. Инчунин, ғайр аз сохтмони бино имомҳо тасмим гирифтанд роҳеро, ки ба офиси навбунёди ҲХДТ мебарад ба итмом бирасонанд.
Мушоҳидон қайд мекунанд, ки имом-хатибони дарборӣ ҳамаҷониба дастгирӣ намуда кӯшиш мекунанд ба режими кунунӣ писанд оянд, гоҳо тамаллуқкории онҳо аз ҳад мегузарад. Масалан, моҳи сентябри соли гузашта имомҳои шаҳри Шаартузро ӯҳдадор намуданд, ки ҳайкали Владимир Ленинро таъмир бикунанд. Каме дертар имомҳо изҳор доштанд, ки кори мазкурро бо ихтиёри худ ва аз ҳисоби маблағҳои садақоти мардум амалӣ намудаанд.
