Эмомалӣ Раҳмон домоди худро бо орден мушарраф намуд

Эмомалӣ Раҳмон домоди худро бо орден мушарраф намуд

Санаи 29-уми август дар пойтахти Тоҷикистон маросими сарфарозкунӣ бо ҷоизаи давлатӣ бахшида ба рӯзи истиқлолияти кишвар баргузор гардид. Дар маросим раисҷумҳур домодаш Шамсулло Соҳибовро бо ордени Шараф мушарраф намуд. Инчунин, дар миёни мушарраф намуда шудагон раиси палатаи поини парлумон Шукурҷон Зуҳуров, раиси Вазорати Корҳои Хориҷӣ Сироҷиддин Муҳриддин, вазири адлия Рустам Шоҳмурод, вазири маориф Нуриддин Саид, вазири рушди иқтисод Неъматулло Ҳикматуллозода, раиси вилояти Хатлон Қурбон Ҳакимзода, раиси РВКД пойтахт Шариф Назарзода ва дигарон қайд шудаанд.

Акси тақдими ҷоизаҳо дар сомонаи раисҷумҳур ва дар албоми хадамоти матбуотии раисҷумҳур нашр шудааст. Вале, бо гузашти каме вақт ду сурати тақдими ҷоизаи ордени Шараф ба Шамсулло Соҳибов аз сомона дур карда шуд, дар ин хусус иттило дод радиои Озодӣ.

Ёдрас мекунем, ки Шамсулло Соҳибов соҳиби ҶСШП Фароз мебошад, ки дар соҳаҳои соҳибкории гуногун дар кишвар яке аз монополистон ба ҳисоб меравад, инчунин Соҳибов ноиби-президенти Кумитаи олимпии миллӣ низ мебошад.

Қобили зикр аст, ки Соҳибов ягона аъзои оила нест, ки ба мукофоти олии давлатӣ сарфароз шудааст. Дар моҳи сентябри соли 2013 Эмомалӣ Раҳмон домодаш Ҷамолиддин Нуралиевро бо ордени Шараф дараҷаи дуюм сарфароз гардонид, дар соли 2015 Раҳмон духтараш Озода Раҳмонро бо ордени Шараф дараҷаи якум сарфароз намуд, соли 2018 бошад дар арафаи рӯзи истиқлолияти ҷумҳурӣ Раҳмон писараш Рустами Эмомалиро бо ордени Зарринтоҷ дараҷаи дуюм сарфароз гардонида буд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.