Маҳбусони тоҷик дар колонияи Русия гуруснанишинӣ эълон карданд
Аз 1-уми ноябр шурӯъ карда тақрибан 70 нафар маҳбусони тоҷик дар колонияи №7 шаҳри Мордовия бо талаби беҳтар намудани шароити нигоҳдорӣ ва қатъ намудани таҳқири маҳбусон гуруснанишинӣ эълон карданд, дар ин хусус портали Ахбор хабар дод.
Тӯли 5 моҳи охир ин аллакай дуюмин маротибаест, ки маҳбусон аз он ҷумла шаҳрвандони Тоҷикистон дар колонияи мазкур ба чунин навъи эътирозӣ даст мезананд. Ба гуфтаи наздикони баъзе маҳбусони колонияи рақами 7 ки дар деҳаи Сосновкаи ноҳияи Зубово-Поляновск ҷойгир аст, пас аз омадани сардори нави колония Сергушкина режими шадид ворид карда шуд.
Бояд қайд намуд, ки дар колонияҳои русӣ поймолшавии ҳуқуқҳои мусулмонон ба кори одатӣ табдил ёфтааст, дар баъзе колонияҳо нисбати мусулмонон фишорҳои рӯҳӣ ва ҷисмонӣ гузаронида мешавад, дар вақташ адо намудани намоз, гирифтани рӯза мамониат эҷод карда, маҷбур мекунанд гӯшти хук бихӯранд. Ғайр аз ин, аксарияти маҳбусоне, ки бо моддаҳои динӣ маҳкум шудаанд аз дигар маҳбусон дар алоҳидагӣ нигоҳ дошта мешаванд.
