Муҳоҷирони қирғизро дар ғуломи нигоҳ медоштанд

Дар шаҳри Рязани Федератсияи Русия соҳиби сехи дӯзандагӣ ҳамчун ғулом 13 нафар муҳоҷирони меҳнатӣ аз Қирғизистон бударо нигоҳ дошта истисмор мекард, хабар медиҳад Regnum.

Дар натиҷаи шикоятҳои зиёде аз тарафи муҳоҷирони меҳнатӣ карда шуда, ки маъмурияти ширкати «Феврал» аз кормандони хориҷии худ шиносномаҳояшонро ситонида музди меҳнаташонро пардохт намекарданд, кормандони ҳифзи ҳуқуқ дар ширкати мазкур тафтишот гузарониданд. Дар рафти тафтишот аён гардид, ки муҳоҷирони меҳнатӣ аз Қирғизистон буда ба таври маҷбурӣ бо мусодираи шиносномаҳо ҳамчун ғулом нигоҳ дошта мешуданд.

«Вақти кори зиёда аз 12 соат тӯл мекашад, Қирғизистониҳо то 20 соат бардавом кор мекарданд. Бо ғизои ройгон таъмин намекарданд, барои танаффуси нисфирӯзӣ ҳамагӣ 40 дақиқа ҷудо менамуданд. Касоне, ки дар ин муддат хӯрокашро тайёр карда хӯрда натавонад 5000 рубли русӣ ҷарима баста мешуд. Хизматрасониҳои тиббӣ низ дар сатҳи лозима қарор надошт ва музди меҳнат дар рӯзҳои таъйиншуда пардохт намешуд», — қайд намуданд дар ВКД.

Инчунин кормандони ҳифзи ҳуқуқ қайд намуданд, ки аксарияти муҳоҷирони меҳнатӣ мехостанд аз сабаби шароити вазнин, ҳақирӣ ва дашном шартномаи муздурро бо ширкат қатъ намоянд, вале маъмурияти ширкат аз кормандони худ шиносномаҳояшонро ситонида ҳамчун ғулом маҷбуран нигоҳ дошта бо баҳонаҳои гуногун музди меҳнаташонро пардохт намекарданд.

«Коркунони сех ҳатто ба дорухона барои хариди доруворӣ рафта наметавонистанд. Зеро бо худ санадҳои лозима надоштанд», — шарҳ додаанд дар хадамот.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.