Соли 2020 дар Тоҷикистон андозро афзоиш медиҳанд
Кумитаи андози Тоҷикистон буҷаи давлатро аз ҳисоби ҷамъоварии нав ва ҷаримаҳо пур намуданро пешниҳод намуд. Чи тавре ки ОИ Спутник менависад, хадамоти Андоз ба якчанд мақомот мактубе бо пешниҳодҳои шавқовар оиди пур намудани хазина ирсол намудааст.
Ёдрас мекунем, ки пештар санаи 21-уми ноябр палатаи поёнии парлумони Тоҷикистон лоиҳаи буҷаи давлат дар соли 2020 аз тарафи ҳукумат пешниҳод шударо тасдиқ намуд, ки қисми даромади он зиёда аз 26,1 млрд сомонӣ ($ 2,6 млрд) — ро ташкил мекунад, қисми хараҷоти он бошад — 26,4 млрд сомониро ташкил медиҳад. Қисми асосии даромади буҷаи давлатро дар соли 2020 даромадҳо аз андоз буда, 17,9 млрд сомонӣ ($1,7 млрд) ташкил хоҳад кард.
Тибқи қонуни нави буҷаи давлатӣ, даромадҳо аз андоз дар соли оянда зиёда аз 17 млрд сомониро ташкил медиҳад, ки нисбати соли гузашта 10% зиёд мебошад. Коршиносон дар ҳайрат ҳастанд: чи тавр даромадҳо аз андоз ба 10% афзоиш меёбад? Вақте ки ҳаҷми даромадҳо аз андозро муайян мекунанд, бояд манбаи даромади он асоснок гардонида шавад. Ҳолати имрӯза дар соҳаи соҳибкорӣ ба ҳама маълум аст, ҳазорҳо соҳибкорон ва ширкатҳо фаъолияти худро бо сабаби баланд будани сарбори андоз қатъ менамоянд», — шарҳ дод кори ҳукуматро иқтисодчи Меҳрубон Бурхонов.
Бояд қайд намуд, ки тибқи иттилои ширкати аудитории Price water house Coopers, дар ҷамъбасти соли 2018 Тоҷикистон дар сафи 9 кишвари бо сарбори баланди андоз дар тадқиқоти «Paying Taxes 2019» (Андозбандӣ дар соли 2019) дохил шуд, ки аз тарафи ширкати аудитории Price water house Coopers якҷоя бо Бонки ҷаҳонӣ гузаронида шудааст.
