Дар Тоҷикистон ҳукми қатлро бармегардонанд
Прокурори генералии Тоҷикистон Юсуф Раҳмон барои бекор намудани мораторияи ҳукми қатл дар аснои дастгиршавии оммавӣ дар қаламрави кишвар оиди гумонбарӣ дар аъзогии ҳаракати исломии Ихвонул-муслимин баромад кард. Дар ин хусус прокурори генералӣ дар вохӯрӣ бо хабарнигорон рӯзи 28-уми январ дар шаҳри Душанбе иброз намуд, иттило медиҳад ОИ Авеста.
«Ман дар ақидаи худ мемонам. Суол оиди бекор кардани мораторияи ҳукми қатл ғавғои зиёдеро ба миён овард. Танҳо дар соли 2019 бо айби терроризм ба ҷавобгарии ҷиноӣ аз сад зиёд ашхос, аз ҷумла шахсони адои ҷазо намуда истода кашида шудаанд. Онҳо ислоҳ намешаванд. Мо онҳоро такроран ба ҷавобгарии ҷиноӣ мекашем. Ба мӯҳлати ҷазои онҳо, ки адо менамоянд метавонем танҳо 2-3 сол илова намоем. Вале онҳо такроран ҷиноят содир мекунанд», гуфт Юсуф Раҳмон.
Ёдрас мекунем, ки ҳанӯз дар соли 2016 Юсуф Раҳмон васеъ татбиқ намудани ҳукми қатлро ба як қатор маҳкумшудагон, аз он ҷумла нисбати инқилобгарон таклиф намуда буд. Дар кишвар аз моҳи июни соли 2004 ба ҳукми қатл моратория ҷорӣ шудааст. Ҳукми қатл бо ҷазои маҳрум сохтан аз озодӣ ба мӯҳлати 25 сол то ҳабси якумра иваз карда мешавад.
Таҳлилгарон қайд мекунанд, ки баргаштан ба татбиқи ҳукми қатл аз тарафи режим ин як воситаи тарсондани фаъолони диниву сиёсии мустақил мебошад.
