Дар Петербург боз намояндагони Осиёи Марказӣ боздошт гардиданд
ФСБ — и Русия дубора бо профессионалӣ ва фаврӣ будани худро нишон дода худситоӣ намуд, ба нашрияҳои гуногун сабти видеоӣ ки дар он гуё дастгиршавии гумонбаршудагони амалиёти террористӣ дар Санкт-Петербург сабт шудааст ирсол намуд. Дар навори видео аскарони ФСБ ба бинои номаълумро ҳуҷум карда дастгиршавии якчанд мардро намоиш медиҳанд. Яке аз дастгиршудагон ба саволе, чи кор кардан мехостӣ? Дар ҷавоб гуфт: «Барои қатора… Садама». Инчунин, дар навори видеоӣ кормандони фаврӣ Қуръон ва борхалтаеро бо балони газ намоиш додаанд, дар борхалта дигар чизе вуҷуд надошт.
Дар хусуси он, ки ФСБ гӯё ҳафт нафар дар терроризм гумонбаршудагонро аз Осиёи Марказӣ дастгир намудааст, хабар субҳи 9 июл паҳн шудааст. Номҳои дастгиршудагон ва айбҳое, ки ба онҳо тақдим карда мешавад, то ҳол эълон карда нашудааст. Дастгиршудагон амалиёти террористиро дар нақлиёти роҳи оҳан тайёр карда будаанд, мегӯянд дар ФСБ.
Бояд қайд намуд, ки пас аз таркиши метрополитени Питер санаи 3 апрели соли 2017, кормандони шӯъбаи ФСБ — и Питер натиҷаҳои ғайричашмдошт оиди ошкор ва пешгири намудани ҷиноятҳои вобаста бо терроризм нишон медиҳанд. Ҳамчун террористони потенсиалӣ онҳо муҳоҷирони бечора аз Осиёи Марказиро ба ҳадафи худ қарор доданд. Чи тавре, ки коршиносони мустақил қайд мекунанд, ҳамаи наворҳои видеоие, ки ФСБ — и ФР оиди парвандаи зерин пешкаш намудааст, сохта буданаш намоён аст.
