Туркманистон: Рӯзи қолин ва рӯзи велосипед
Президенти Туркманистон Қурбонгули Бердимуҳамедов ба муносибати ҷашни Рӯзи қолини туркманӣ ва рӯзи велосипед ба мардуми Туркманистон изҳори табрикотӣ ирсол намуд.
31-уми май дар кишвар ҷашни оммавии Рӯзи қолин таҷлил карда шуд. Тибқи иттилои матбуоти давлатӣ, дар ҷаласаи ҳукумат рӯзи 29-уми май президент аҳолиро бо Рӯзи умумиҷаҳонии велосипед табрик кард. Ҳамаи ин дар пасманзари пандемияи умумиҷаҳонии COVID-19, сарфи назар аз тавсияҳои СУТ оид ба зарурати нигоҳ доштани масофаи иҷтимоӣ, амалӣ шуда истодааст, 7-уми апрел дар Туркманистон Рӯзи умумиҷаҳонии тандурустӣ бо марш бо велосипедҳо ҷашн гирифта шуд, ки тамоми қаламрави кишварро бо иштироки 7 ҳазор нафар фаро гирифт.
Дар айни ҳол, Туркманистон ягона кишваре дар минтақа боқӣ мемонад, ки мақомоти расмӣ ҳанӯз ҳузури сироятёфтагонро эътироф накардаанд. Қаблан расонаҳо хабар дода буданд, ки мақомоти Туркманистон сироятёфтагонро аз коршиносони СУТ пинҳон мекунанд.
