Раҳмон нисбати тақдири мусулмонони Бирма «эътино»-и худро изҳор намуд
Раисҷумҳури Тоҷикистон Эмомалӣ Раҳмон рӯзи 7-уми август бо раисҷумҳури Туркия Раҷаб Эрдуғон гуфтугӯи телефонӣ намуд. Раисони ҳар ду давлат муносибатҳои дуҷониба байни кишварҳоро муҳокима намуданд. Дар рафти гуфтугӯ Раҳмон оиди вазъияти ба вуқӯъ пайваста нисбати мусулмонони Мянма боэътино буданашро изҳор намуд. Оиди ин мавзӯъ ҳар ду раисони давлат изҳор намуданд, ки ҳамаи низоъҳои нажодӣ ва динӣ бояд бо адолат ҳал гардад. Дар ин хусус хадамоти иттилоотӣ раисҷумҳури Тоҷикистон хабар додааст.
Ёдрас мекунем, ки мусулмонони Мянма аз тарафи ташкилотҳои байналхалқӣ ақаллияти зулмдида дар ҷаҳон муқаррар шудааст ва муддати солҳои дароз ба таъқиби ашаддӣ гирифтор мебошанд. Охирин мавҷи зӯроварие, ки нисбати мусулмонони Аракан карда шуд дар ҷаҳон инъикоси ҷиддиро ба вуҷуд овард ва аксарият ҳокимонро маҷбур сохт, ки бо суханони баландпарвоз ба дастгирии онҳо кӯшиш намоянд. Албатта аз пушти чунин суханони баландпарвоз барои ҳимояи охирин ҳаракати ҷиддӣ карда нашуд. Золими Раҳмон низ аз ин фиреб худашро дар канор вонагузошт ва худнамоӣ намуд, ки гӯё аз тақдири мусулмонон ноором мебошад. Ҷолиби диққат аст, ки ҳамаи ин якҷоя дар ҳолате руҳ дода истодааст, ки ба наздикӣ режими Раҳмон пӯшидани либоси Исломии занон ва якқатор ҷашну маросимҳои диниро мамнӯъ намуд, инчунин муддати солҳои дароз ҳар намуд барандагони даъвати Исломиро таъқибу тазйиқ менамояд. Яъне, дар ҳама сатҳ ва бо услубҳои гуногун бар зидди Ислом мубориза мебарад.
